La DXT estudia permitir la conducción a adolescentes de 17 años en compañía d’un adultu con carné

La Direición Xeneral de Tráficu ta estudiando la posibilidá de permitir a los mozos y moces de 17 años la posibilidá de conducir automóviles en compañía d’un adultu con carné. Enantes deberán aprobar el teóricu y tener 20 hores práutiques.
 
Esta midida, según confirmó güei’l direutor de la DXT, Pere Navarro, tien como oxetivu qu’estos conductores “vayan familiarizándose cola carretera y cola conducción enantes de poder salir solos”. Francia y Alemaña yá cuenten con sistemes similares.
 
Navarro tamién confirmó la decisión de la DXT d’establecer los 30 kilómetros per hora como llímite en ciudá p’aquellos viales d’un carril. D’esta forma, se pretende reducir la mortalidá por atropellos y ayudar a los conceyos que tan amenorgando los llímites de velocidá pol gastu que supón pa ellos señalizar estes modificaciones.