El Gobiernu autoriza una partida de 579.600 euros pa la normalización social del asturianu

El Conseyu de Gobiernu autorizó esti miércoles una partida de 579.600 euros pa financiar la convocatoria pública de subvenciones pa la normalización social del asturianu. Nesta partida tamién entren les ayudes al gallego-asturiano.
 
Esta convocatoria pública de subvenciones va facese en réxime de concurrencia competitiva, según anunció Presidencia. La Conseyería de Cultura y Turismu tamién llevó al Conseyu de Gobiernu l’aprobación de subvenciones p’actividaes y competiciones de los Xuegos Deportivos del Principáu y un conveniu de collaboración col Ministeriu de Cultura pa dar y distribuyir creitu pa l’adquisición de fondos bibliográficos pa les biblioteques públiques.
 
Otros asuntos destacaos trataos pol Conseyu de Gobiernu son l’autorización d’un conveniu de collaboración col Ayuntamientu de Degaña pa poner en marcha un ‘Aulas Mentor’ nel conceyu, o l’aprobación de Reglamentu xeneral de la Llei del Principáu d’Asturias 4/2005, del 28 d’ochobre, de Salariu Social Básicu, que va permir facer “un trabayu muncho más eficiente na inserción sociollaboral de les personas beneficiaries de la prestación”.