Más de 2.000 persones aconceyaes nel Parque de la Ciutadella, frente al Parlament de Catalunya, impidieron la entrada de 70 de los 135 diputaos al edificiu. Esti miércoles celebrábase’l Plenu de los presupuestos.
La Coordinadora Ecoloxista d’Asturies solicitó al Gobiernu la paralización del parque eólicu de Sierra de Porta, nel conceyu de Castropol. Los ecoloxistes aseguren qu’esti proyeutu tien delles iregularidaes alministratives.
Foro Asturias Ciudadano (FAC) y Partido Popular (PP) nun llegaron alcuerdos esti martes tres delles hores de reunión. Les dos formaciones ruempen asina les negociaciones pa garantizar la "gobernabilidá" del Gobiernu d’Asturies.
Bimenes yá zarró'l programa de la Fiesta de la Oficialidá de la Llingua Asturiana. La esposición del concursu de cómic n’asturianu va abrir les actividaes el 22 de xunu, anque la folixa va desarrollase la primer fin de selmana de xunetu.
El TSXA comunicó al Conceyu por Otra Función Pública n’Asturies (COFPA) el resolvimientu qu’encamienta a la Sindicatura de Cuentes a anular los puestos a deu nel organismu. La sentencia envalora un recursu presentáu pol COFPA en mayu del añu pasáu.
Aficionaos a la bicicleta de toda Asturies van participar el sábadu na I Carrera de Montaña Cotu Beyo, na cima tamién conocida como Chechu Rubiera. Nesi mesmu llugar van celebrase les Fiestes del Corderu’l viernes y el sábadu.
Esti domingu va celebrase n’Uviéu una milla solidaria con salida en Master Sport y legada en Gascona. D’esta forma, la seición asturiana del coleutivu pretende festexar el 50 aniversariu d’esti movimientu fundáu por Peter Benenson.
La direición del PP estatal nun va sancionar a los conceyales de Xixón, Valdés, Salas, Amieva y Cabrales que votaron a favor de los candidatos de FAC pa qu’algamaren l’alcaldía. Desobedecieron asina’l mandáu de los dirixentes del partíu.
Esti miércoles, a les 12 hores, va constituyise la Xunta Xeneral y los partíos tovía nun avanzaron nes negociaciones pa formar la Mesa de la Cámara. Ye posible que nun lleguen a alcuerdos hasta’l mesmu día de la votación.
Emilio Ballesteros, d’Asturianistes por Nava-Compromisu por Asturies, ye l’alcalde nuevu de Nava en sustitución de Carlos Escobio (PSOE). Los votos de FAC y PP permitieron a los asturianistes algamar l’alcaldía.
