Esti sábadu va celebrase nel Teatru de la Llaboral de Xixón un espectáculu que lleva pol nome ‘Gran Nueche Celta’. Chus Pedro, los irlandeses Altan y los escoceses Capercaillie formen el cartel d’esti eventu.
El Partido Social Democrata (PSD) de Pedro Passo Coelho ganó les eleiciones de Portugal que se celebraron esti domingu al algamar el 38,8 por cientu de los votos, insuficientes pa tener la mayoría absoluta. El Partido Socialista (PS) sumó'l 28,1.
El BOPA d’esti llunes espubliza'l decretu robláu pol presidente d’Asturies en funciones, Vicente Álvarez Areces, pol que se convoca la sesión constitutiva de la Xunta Xeneral. Ésta va celebrase’l 15 de xunu, miércoles, a les 12 hores.
Ollanta Humala ganó les eleiciones de Perú col sofitu de la izquierda del país andín. L’ex comandante sumó, col 86,59 por cientu de los votos rexistraos, un 51,18 por cientu d’apoyos frente al 48,81 por cientu de la conservadora Keiko Fujimori.
Esti martes va principiar una campaña informativa en Xixón sobre les ayudes a la vivienda que pueden recibir los asturianos. UCE-Asturies entama esta iniciativa que va tener la so primer cita nel Atenéu Obreru de La Calzada.
Esti sábadu, a les 19.30 hores nel Teatru Vital Aza de La Pola Ḷḷena, el grupu llocal Spanta la Xente va presentar el so trabayu nuevu ‘Alienda’. Más de 80 persones van participar na actuación musical más destaca d’esta fin de selmana.
El ciclu d’actuaciones corales qu’entama Caxastur, ‘Ronda per Asturies’, principia esti vienres na Ilesia de Santa Olaya de Ḷḷuarca. El grupu encargáu d’abrir esta actividá ye la uviedina Coral Polifónica Asturiana Cruz de la Victoria.
Más de 20.000 trabayadores de 1.250 empreses del metal tán llamaos a la fuelga los díes 20 y 21 d’esti mes pola “intransixencia empresarial”. Con esti parón, los sindicatos quieren desbloquiar les negociaciones pol conveniu del seutor.
La rula d’Avilés vendió esta mañana’l primer bonitu de la temporada a un preciu de 56,87 euros el quilu, lo que supón un récor históricu. La cadena de supermercaos Alimerka fixóse cola totalidá del pescáu descargáu.
Una avería nun rexistru del colector que da al ríu Arlós, a l’altura de la cai La Vega 1 de Villalegre, ta provocando vertíos continuos d’agües residuales. El Coleutivu Ecoloxista d’Avilés denunció esta situación a la Confederación Hidrográfica y al Gobiernu.
