Una masa d’aire d’orixe subsaḥarianu que ta averándonse a la Península Ibérica va provocar que se rexistren hasta 35 graos n’Asturies el domingu y el llunes. Esti branu van predominar les foles de calor y los díes con orbayu y brisa.
La patronal del metal calcula que la fuelga del metal de dos díes que principió’l llunes provocó unes perdes de “unos 30 milones d’euros”. MCA-UXT y CC OO aseguren que’l siguimientu del paru foi de cerca del cien por cien.
Esti martes, a les 20 hores, torna l’actividá de la Tertulia Pachín de Melás, alderique entamáu por Unidá Nacionalista Asturiana (UNA) en Xixón. Nesta ocasión el tema de debate ye la llei eleutoral y la so reforma posible.
‘Objetivo Villaviciosa’ ye’l nome de la ‘esposición-homenaxe’ a Joaquín Fanjul (Xixón, 1933-2008) que la Fundación José Cardín Fernández va inaugurar esti xueves. Nella van poder vese semeyes rellacionaes col conceyu maliayu.
Los efeutos de la crisis nel Estáu español fixeron que la renta per cápita sía siete puntos menor que la media de los países de la Eurozona y un puntu más que la media comunitaria. Estos datos d’Eurostat correspuenden al 2010.
La Coordinadora Ecoloxista d’Asturies ta acabante de presentar suxerencies al Gobiernu nel trámite ambiental del proyeutu de la planta de residuos d’El Musel. Los ecoloxistes recuerden la peligrosidá de la instalación pa los vecinos.
Los talleres artesanos que se dediquen a la ellaboración de gaita asturiana nun se llibren de la crisis. El plazu máximu d’entrega d’esti instrumentu baxó hasta l’añu, mentes que el mínimu ta ente la entrega inmediata y los 15 díes.
El bloquéu na negociación del conveniu del metal llevó güei a la fuelga a más de 20.000 trabayadores de les 1.250 empreses del sector. Los sindicatos afirmaron que’l siguimientu del paru foi total, mentes que Femetal cifrólu nun 25 por cientu.
L’informe del 2010 del Instituto Nacional de Toxicología revela que’l 42,4 por cientu de les persones muertes n’accidentes de tráficu dieron positivu n’alcohol o en drogues nes pruebes forenses. Hai un aumentu nel consumu de drogues de diseñu.
Esti llunes celébrase’l Día Mundial del Refuxáu col oxetivu de concienciar a la población sobre la situación de les persones desplazaes pola situación nel so país d'orixe. A finales del 2010, nel planeta había 43,7 millones de refuxaos.
