Roberto Colunga, secretariu del Bloque, criticó la “caradura” de los partíos con representación na Xunta por non suprimir les partíes económiques a los grupos parllamentarios. L’ex diputáu propunxera quitar este subvenciones.
Eloy Velasco, xuez de l’Audiencia Nacional, dexó en llibertá a les trés persones deteníes n’Asturies por supuestos actos de terrorismu. El maxistráu considera’l delitu polos que foron acusaos como “daños” y non como “terrorismu”.
L’Axenda Didáctico-Escolar qu’entama la Conseyería de Cultura p’averar la creación cultural n’asturianu a la población escolar va concluyir la selmana qu’entra. 201 centros escolares de Primaria y Secundaria participaron nesta iniciativa.
El secretariu xeneral de la UXT n’Asturies, Justo Rodríguez Braga, nun ta satisfechu col apoyu del PSOE a la derecha pa que presidiera la Xunta Xeneral. Pal sindicalista ye daqué “histórico” que “nun comparto”.
Fernando Goñi, presidente de la Xunta Xeneral dende esti miércoles, señaló tres el so nomamientu qu’espera que’l Parllamentu asturianu sía “un llugar d’entendimientu”. Pa ello ufre “diálogu y collaboración”.
La izquierda asturiana ta indignada pola detención de trés militantes del PCPE y el so treslláu a Madrid pa declarar na Audiencia Nacional. La Policía acúsalos por supuestos actos terroristes nel conceyu de Llangréu.
El voceru de FAC, Enrique Álvarez Sostres, aseguró tres la sesión constitutiva de la Xunta Xeneral que’l pautu supuestu ente’l PSOE y PP “ta vivu y en plena actividá”. Francisco Álvarez-Cascos yá fixera referencia a esi alcuerdu en delles ocasiones.
El popular Fernando Goñi ye’l presidente nuevu de la Xunta Xeneral gracies a los votos del PSOE, que quixo evitar que FAC tuviera’l control de la Cámara y del Gobiernu. IX-LV queda ensin representación na Mesa.
Un grupu d’indignaos asturianos manifestáronse esti miércoles frente a la Xunta Xeneral na xornada na que se constituyó la Mesa de la Cámara. La Policía fixo un despliegue ampliu na zona y nun dexo a los concentraos averase al edificiu.
L’asturianista Carlos Rubiera, númberu 5 na llista de Foro Asturias Ciudadano (FAC) a l’alcaldía de Xixón, va encargase de la conceyalía d’Educación, Cultura, Mocedá y Festexos. Tamién va presidir el Conseyu Asesor de la Llingua.
