L’apoyu del PP de Xixón permitió a Carmen Moriyón (FAC) convertise n’alcaldesa. N’Uviéu, De Lorenzo consiguió mantenese al frente del Ayuntamientu, mentes que nos conceyos con representación asturianista nun hubo sorpreses.
‘El bichu grande’, de Pablo X. Suárez, foi la obra ganadora del X Concursu de Narraciones Curties Conceyu Llaviana. Pablo Rodríguez Medina y David Fernández Fernández algamaron el segundu y tercer premiu, de forma respeutiva.
El Coleutivu d’Afeutaos pola Llinia Costa Verde va facer una marcha ente La Teyera de Serín hasta’l prau onde Red Eléctrica quier instalar la subestación en Xixón. Mentes, la Coordinadora Ecoloxista presentó alegaciones contra la de Cardo.
L’Academia de la Llingua Asturiana (ALLA) entregó esti vienres nel nuevu llar social de la institución los premios de los concursos del 2011. Nel actu, Ana María Cano destacó la importancia que tien el teatru na normalización del idioma.
Chus Pedro, los irlandenses Altan y los escoceses Capercaillie van protagonizar la Gran Nueche Celta de la Llaboral esti sábadu en Xixón. Esi mesmu día, el Benidorm de Villamayor va acoyer los conciertos de Sambre y Misiva.
Jaime Rabanal, conseyeru d’Economía y Facienda, dio a conocer les cifres de la Cuenta Xeneral del 2010 que ta acabante d’aprobar el Conseyu de Gobiernu. La deuda total de l’Alministración ye de 1.633 millones, el 7,1 por cientu del PIB.
El cantante entreguín Chus Pedro presentó n’Uviéu’l so segundu discu, el primeru tres la despidida con Nuberu. ‘Nenita’ ye’l nome d’esti trabayu d’estudiu compuestu por once cantares, nueve tradicionales y dos propios.
El nuevu llar social de l’Academia de la Llingua Asturiana (ALLA) nel Monasteriu de San Pelayo va acoyer esti vienres per primer vegada la entrega de premios de los concursos del 2011. L’actu va principiar al meudía.
La Xunta pola Defensa de la Llingua Asturiana entama esti xueves, a les 20.30 hores, una proyeición sobre la toponimia de Carreño y un alderique posterior. El videu que va poder vese ye’l fechu apocayá pol coleutivu Anonymous AST.
Casi la metá de los usuarios d’Asturies.com, el 48 por cientu, piensen que los resultaos de les eleiciones del 22 de mayu nun son bonos pal país. FAC foi’l ganador de les nacionales y ye posible que paute’l Gobiernu d’Asturies col PP.
