Dende’l PP señalen que FAC ta ufriendo alcuerdos al PSOE y IX-LV en conceyos onde los populares foron la llista más votada “pa que gobierne la izquierda”. Gozón, Villaviciosa y Llanera son dalgunos de los conceyos que señalen los populares.
El Centru Municipal Integráu d’El Llano va acoyer esti miércoles la presentación de la obra última del historiador xixonés Pablo Rodríguez Alonso. ‘De totalitarios a «demócrates»’ algamó’l XII Premiu d’investigación histórica Rosario de Acuña.
La campaña ‘¡Erre qu’erre! ¡Reduz, reutiliza, recicla!’ yá llegó a Llaviana. La Oficina de Normalización Llingüística del conceyu de la cuenca’l Nalón ta acabante de poner en marcha esta actividá dirixida al seutor del comerciu.
Baxo la etiqueta #motivosparael19J, los internautes indignaos tán argumentando les razones que-yos lleven a movilizase'l 19 de xunu. Nesa fechan tán previstes manifestaciones en tol Estáu del movimientu ‘Democracia real yá’.
El conseyeru de Mediu Rural y Pesca, Aurelio Martín, fixo un balance sobre’l so llabor nestos dos años y mediu de llexislatura. Asegura que marcha con una “satisfaición moderada y “pudiendo mirar a la cara a tol mundu”.
L’apertura d’un espediente disciplinariu a un trabayador de la RTPA llevó a la Corriente Sindical d’Izquierda (CSI) a convocar una concentración de protesta frente a la sede del ente públicu en Xixón. Ésta va celebrase esti martes a les 17 hores.
L’Observatoriu de Condiciones de Trabayu d’Asturies fixo públicu l’informe sobre los accidentes asocedíos n’Asturies nos cuatro primeros meses del añu. Hasta’l 30 d’abril, nel nuesu país hubo cuatro mortales y 37 graves.
La Comisión Direutiva de Foro Asturias Ciudadano (FAC) ufrió al PP la secretaría primera de la Mesa de la Xunta Xeneral. El partíu de Francisco Álvarez-Cascos quier que los cuatro grupos tengan representación nella.
El Conceyu de Xixón va entamar una puya d’una casa mariñana y una panera de Cabueñes que pertenecieron a Nicanor Piñole. L’oxetivu d'esta operación ye ampliar la coleición municipal d’obres del pintor xixonés coles perres que se ganen na puya.
Rafael Palacios, candidatu de Bloque por Asturies-UNA a les eleiciones celebraes hai dos selmanes, apuesta pola continuidá del proyeutu col 2015 como oxetivu. Considera que la coalición “tien que siguir creciendo y ampliándose”.
