El ‘Conceyu Abiertu’ que propunxo Asturies.com nestes selmanes mostró la esistencia de tres corrientes dientro del asturianismu. Per un lláu, la que reclama un proyeutu nuevu y, per otru, les qu’apuesten por confiar nel Bloque-UNA o nel FAC.
El músicu y investigador xixonés Daniel García de la Cuesta va participar nes X Xornaes de Música Popular ‘La música de los romanos y aquellos vascones’. Éstes van celebrase nel Oiasso Erromatar Museoa d’Irún los díes 15 y 16 de xunetu.
Esti domingu llega a Xixón la iniciativa ‘Regala un bosque’. Ésta consiste nuna ruta senderista y una carrera de montaña per zones que sufrieron un incendiu cola fin de recaudar perres pa reforestar la zona afeutada.
Ente’l 30 de setiembre y el 2 d’ochobre va celebrase nel maliayu Teatru Riera la segunda edición del Mediu Güeyu Festival, certame dedicáu a los curtios. Nesta ocasión, la organización recibió 150 cintes pa participar nel concursu.
Esti sábadu ye’l día grande de la XV Fiesta de la Oficialidá de la Llingua Asturiana de Bimenes. Enantes, el vienres, va entregase’l premiu del XIV Concursu de Cuentos pola Oficialidá al so ganador, Nacho Fonseca.
Esti vienres, a les 19 hores, ta convocáu un conceyu abiertu pola formación uviedina del mesmu nome. L’actu, abiertu a tolos uviedinos y uviedines, va celebrase a les 19 hores nel salón d’actos del Cibercentru de La Lila.
Esti xueves va celebrase l'homenaxe a Nacho Fonseca y a los sos 25 años al frente de Seliquín y Xentiquina. El profesor, cerca de xubilase, dexa’l so proyeutu musical pa neños pero espera qu’otres persones entamen otros asemeyaos.
El Conceyu por Otra Función Pública n’Asturies (COFPA) esixe a la Xunta Xeneral una investigación de los procesos de seleición y tresllaos del personal na sanidá asturiana. Nes selmanes últimes conociéronse delles iregularidaes.
El Centru Social La Semiente va celebrar una charra-alderique esti xueves sobre la Educación Llibre a cargo de los responsables de La Escuelina y La Arboleda. Los presentes van conocer de primer mano estes dos esperiencies.
Asturies va sumase a la Marcha Popular Indignada que tien como meta Madrid el 23 de xunetu. Indignaos del tol Estáu van salir dende les sos poblaciones p’axuntase na capital castellana y participar nuna concentración de protesta.
