Chechu García y Roberto Corte son los autores de ‘Ensayu Xeneral’, obra que va ser la exa central de la coronación del Rei Aurelio. Esta cita abre les fiestes de L’Entregu y va contar cola participación de Cundi como Rei Aurelio.
L’enllaz que se constrúi en Lieres pa xunir el corredor del Nalón cola autovía Uviéu-Villaviciosa al traviés de la ‘Y’ de Bimenes ta provocando delles afeiciones medioambientales. La Coordinadora Ecoloxista denuncia esta situación otra vuelta.
El día 29 ye San Pedru, patronu de Xixón, y los xixoneses van celebralo nel Muséu del Pueblu d’Asturies con una romería na que destaca la presencia de Tuenda. La cita adelántase a esti sábadu pa que tolos asturianos puedan disfrutar d’ella.
Cola llegada del branu l’actividá musical multiplícase enforma n’Asturies. Esta fin de selmana destaca’l conciertu de Corquiéu en Caravia y l’actuación de dellos grupos folclóricos en Xixón nes fiestes de San Xuan y San Pedru.
La Plaza Mayor de Xixón va ser sede na tarde del vienres, a partir de les 19 hores, del conciertu fin de cursu de la Escuela de Música Tradicional Villa de Xixón. Nél van participar más de cien alumnos y alumnes.
El Muséu Barjola de Xixón va acoyer dende esti vienres hasta’l 24 de xunetu la VII Muestra de l’Asociación Profesional de Fotoperiodistas Asturianos (APFA) Miraes 2011. La inauguración va celebrase a les 18 hores.
Un proyeutu del Conseyu de la Mocedá de Llaviana xunto con dos organizaciones moces d’Alemaña y Italia llevaron a diez mozos del conceyu a Kelheim. El so oxetivu ye aprender a desarrollar proyeutos sociales al traviés del deporte d’aventura.
Na medianueche d’esti xueves cientos de fogueres van quemar n’Asturies pa celebrar San Xuan. La nueche más máxica del añu va trayer un abanicu grande d’opciones pa disfutar d’una de les cites más esperaes del añu.
Esti llunes va aconceyase la Xunta de Voceros de la Xunta Xeneral, según informaron fontes del Parllamentu asturianu. Na reunión va decidise la fecha del Plenu d’Investidura d'onde va salir el presidente próximu d’Asturies.
El periodista Martin Garitano, candidatu de Bildu, ye’l diputáu xeneral nuevu de Gipuzkoa. D’esta forma, la coalición llogra la mayor cuota de poder de la izquierda abertzale na historia de la democracia.
