La Conseyería de Mediu Ambiente colgó esti xueves na rede un catálogu en castellanu nel que se recueyen toles siendes verdes del país. En total son 115 percorríos per tola nuesa xeografía que sumen más de 1.262,4 quilómetros.
L’Axencia Asturiana de Cooperación al Desarrollu esixe a la ministra d’Asuntos Esteriores, Trinidad Jiménez, que defenda los derechos de los tripulantes del ‘Gernika’ ante'l Gobiernu griegu. El barcu continúa reteníu nel cai de Kolymbari.
Un grupu d’unos 30 indignaos impidió’l pasu de la Policía y el representante d’una entidá bancaria a una vivienda de Xixón onde diben a espulsar a una familia de cuatro miembros. Ye la primer vegada qu’asocede un fechu similar n’Asturies.
La plantiya del Colexu d’Educación Infantil y Primaria de Tremañes va tener un solo maestru d’asturianu’l cursu próximu que va compartir con otres dos escueles. Ello va impidir que los alumnos d’Infantil tengan clases de Llingua Asturiana.
Cuatro periodistes y trés axentes de viaxes brasileños tuvieron del domingu al miércoles visitando’l país. La obra d’Oscar Niemeyer n’Avilés ta teniendo muncha repercusión ente los paisanos del arquitectu de Rio de Janeiro.
El llunes asoleyóse nel BOPA l’aniciu del espediente pa la inclusión de 38 bienes arqueolóxicos de Samartín del Rei Aurelio nel Inventariu de Patrimoniu. Ente ellos ta’l Camín Real Sotrondio-Llabayos, lo que causa sorpresa nel Bloque-UNA.
La editorial Pintar-Pintar reedita'l primer cuentu de "El llibru de la viesca", proyectu de lliteratura infantil que MªJosefa Canellada asoleyara nel añu 1944 cola editorial madrileña Orión.
El PP decidió esti miércoles romper les negociaciones con FAC a menos d’una selmana pa la celebración del Plenu d’Investidura. Esta situación llevaría a un Gobiernu en minoría del partíu de Francisco Álvarez-Cascos.
El cursu próximu va estudiase asturianu en La Casa les Llingües de la Universidá d’Uviéu. La institución ufre un cursu de 90 hores ente’l 3 d’ochobre y el 31 de mayu destináu a persones mayores de 17 años.
Rafael Palacios, Antón Gómez Reino, Elvira Souto (sindicalista) y Santiago Alba Rico (filósofu y escritor) pasaron la nueche na Embaxada del Estáu español n’Atenes. Protesten pola actitú pasiva del Gobiernu estatal ante la retención del ‘Gernika’.
