La Coordinadora Ecoloxista d’Asturies denunció ante la Confederación Hidrográfica del Norte y el Gobiernu d’Asturies l’estrozu fechu na fonte de Tudela Agüeria. Un particular rellenó la fonte con escombros ante la pasividá del Conceyu d’Uviéu.
El maliayu Francisco Fernández Álvarez foi’l ganador del XII Concursu de Gaiteros y Gaiteres Mozos de Bimenes que tuvo llugar el sábadu en Bimenes. Esti certame celebróse nel día grande de la XV Fiesta de la Oficialidá Asturiana.
El pentacampeón del Mundo de piragüismu, Manuel Busto, ye dende esti martes Embaxador de la Sidra d’Asturies 2011. El Conseyu Regulador de la DOP fixo asina un homenaxe al palista maliayu.
El 22 y 23 de xunetu Candás va vivir una nueva edición del Festival de Bandes de Gaites Villa de Candás, que cumple 15 años. Seis agrupaciones van participar nél, ente les que destaquen una bretona, una gallega y una catalana.
La playa d’El Natahoyo va ser sede ente’l 14 y 17 de xunetu de la VII Fiesta de les Asociaciones, qu’esti añu adelántase pola celebración de la ‘Semana Negra’ en feches más tardíes. Nesta edición repiten actuación La Tarrancha y Felpeyu.
Xixón va acoyer esti martes la presentación n’Asturies d’Equo, proyeutu políticu ecoloxista en construcción que quier consolidase de cara a les xenerales del añu qu'entra. Va ser nel Centru Municipal de L’Arena a partir de les 19 hores.
Esti martes espublizóse l’Anuariu Estadísticu d’Asturies 2009, una gama amplia de tables y gráficos que proporciona una radiografía precisa del país. Nél pueden consultase datos demográficos, económicos, sociales o culturales d'esi añu.
La Conseyería d'Educación del Principáu d'Asturies en collaboración col CPR d'Uviéu ta acabante d'espublizar el material didáctico "Nomes d'Asturies" ellaboráu a partir del programa de radio del mesmu nome.
El númberu de desemplegaos n’Asturies baxó nel mes de xunu nun 2,93 por cientu, una cifra similar a la de mayu, cuando’l descensu foi del 2,95 por cientu. El país finalizó’l mes con 80.743 persones ensin trabayu.
El ‘Gernika’, barcu que participa na segunda Flota de la Llibertá con destín a Gaza nel que viaxen Rafael Palacios y Miguel San Miguel, ta reteníu en Kolymbari (Creta). Güei ta convocada en Xixón una concentración en solidaridá colos cooperantes.
