La intervención d’Isabel Pérez-Espinosa na Xunta Xeneral y la réplica de Francisco Álvarez-Cascos dexaron nidies les diferencies ente PP y FAC. El llíder de Foro Asturias llamentó l’actitú “reaccionaria” de la popular frente a les sos propuestes.
Yolanda Huergo, vocera de Bloque-UNA, calificó de “probe y preocupante” la referencia que fixo Álvarez-Cascos a la llingua asturiana’l martes na Xunta. La coalición cree que la política llingüística de FAC “conduz a la desapaición del idioma”.
Na so intervervención nel Plenu d’Investidura, Francisco Álvarez-Cascos señaló que’l so Gobiernu “va desarrollar la Llei d’Usu del Asturianu y promocionar la creación lliteraria" na nuesa llingua. Sicasí, pon al chinu per delantre del asturianu.
El Conseyu de Gobiernu en funciones acordó esti martes que sía’l Gobiernu entrante’l que decida sobre la cesión d’usu del Centru Niemeyer. L’Executivu d’Areces dispuso n’avientu qu’ésta fuera pa la Fundación que lu lleva anguaño.
Ana María Cano, xunto con representantes d’otres organizaciones, aconceyó en Madrid col Comité d’Espertos del Conseyu Européu pal siguimientu de la Carta les Llingües. Consuelo Vega representó al Gobiernu nuna reunión posterior.
El ‘Conceyu Abiertu’ qu’entrugaba a los nuesos llectores sobre qué va pasar na votación del miércoles na Xunta Xeneral nun dexa llugar a duldes. El 71 por cientu cree que Francisco Álvarez-Cascos nun va salir presidente hasta’l vienres.
Les III Xornaes de Música na Cai en La Pola Siero van celebrase del 21 al 24 de xunetu cola participación d’ocho grupos de dellos estilos musicales. Tolos conciertos van celebrase na plaza Les Campes a partir de les 20 hores.
Zapatero dio a conocer les cares nueves del Executivu tres la dimisión d’Alfredo Pérez Rubalcaba pa centrase na candidatura del PSOE a les eleiciones. José Blanco va facer funciones de voceru y Antonio Camacho pasa a ser ministru del Interior.
Los conductores asturianos van percibir esta selmana un aumentu de los controles d’alcoholemia. La Guardia Civil y la Direición Xeneral de Tráficu entamen una campaña de prevención del alcohol al volante pa reducir la siniestralidá.
La carrera solidaria ‘Regala un bosque’ axuntó a más de 100 persones esti domingu nel Monte Deva. D’esta forma, los organizadores recaudaron 1.600 euros pa la reforestacion d’una zona d'esti monte xixonés que quemó nel 2008.
