Francisco Álvarez-Cascos va convertise, con casi toda probabilidá esti vienres, nel presidente nuevu d’Asturies. El llíder de Foro Asturias Ciudadano ye l’únicu que presentó la so candidatura a la Presidencia na Xunta Xeneral.
Esti sábadu nació la República de Sudán del Sur como estáu soberanu. Tres el resultáu del referéndum d’independencia, nel que’l 98,83 por cientu de sursudaneses votó a favor, Sudán reconoció en febreru la dixebra del sur del Estáu.
El delegáu del Gobiernu d’Asturies en Madrid, Miguel Munarriz, unvió esti llunes una carta a los medios de comunicación pa despedise tres trés años y mediu al frente de la Delegación. El cambiu nel Executivu asturianu provoca la salida de Munarriz.
La pasividá del Gobiernu estatal ante’l secuestru del ‘Gernika’ –barcu que forma parte de la Flota de la Llibertá– poles autoridaes griegues llevó a seis activistes a entamar una fuelga de fame. Rafa Palacios y Miguel San Miguel tán ente ellos.
Los quesos artesanos asturianos van tar presentes na feria Summer Fancy Food que va tener llugar en Washington DC del 10 al 12 de xunetu. Asturex entama esta campaña de promoción qu’inclúi una web y marketing nes redes sociales.
Un cáncanu finó esti sábadu cola vida de Carmen Rúa, conceyala d’Educación, Pueblu d’Asturies y Política Llingüística del 2003 al 2007. El funeral pola profesora del colexu Los Campos va celebrase’l llunes, a les 18 hores, en San Pedru.
El Comité Executivu del PP asturianu aseguró esti vienres que nun va presentar candidatu y que va astenese na votación pa escoyer al presidente próximu d’Asturies. El 93,75 por cientu de los miembros d’esti órganu apoyó esta decisión.
El Teatru Xovellanos yá ta trabayando na organización de la XX Fiesta de la Sidra de Xixón, que va celebrase del 26 a 28 d’agostu. La novedá d’esti añu va ser el gallardón ‘Tienes que ir a…’, que premia al meyor chigre de la ciudá.
L’Intercélticu d’Avilés, el Beltaine, principia esti vienres y va allargase hasta’l 17 de xunetu. Van ser 10 díes nos que la villa avilesina va vivir bailles y actuaciones musicales de raigañu celta, amás d’esposiciones y actividaes deportives y infantiles.
El XXXIV Festival de la Sidra de Nava, una de les cites más esperaes del branu, principia esti vienres. La villa naveta va vivir tres xornaes de folixa cola bébora tradicional d’Asturies como protagonista.
