L’ALLA presentó'l ‘Cartafueyu normativu’ númberu 7, dedicáu al léxicu de los medios de comunicación. Trátase d’una ferramienta útil pa periodistes que busca “poner torga al desaniciu de les espresiones patrimoniales”, señala Cano.
Les actuaciones de Sophie & Fiachra (Canadá/Éire) y Velha Gaiteira (Trás-os-Montes) van protagonizar la primer nueche celta del XV Festival Intercélticu d’Avilés y Comarca (FIAyC) . Esta edición, que va allargase hasta’l día 31, ta dedicada a Éire.
Na mañana d’esti martes, el Conseyu de Gobiernu de la Universidá d’Uviéu aprobó’l Reglamentu d’Estudios de Doctoráu. Ésti inclúi la posibilidá d’usar l’asturianu tres la modificación del borrador de la norma.
El direutor del Pueblu d’Asturies, Juaco López Álvarez, va ocupar el cargu de direutor xeneral de Turismu y Patrimoniu Cultural. El Conseyu de Gobiernu tamién aprobó’l nomamientu de Marcos Niño como direutor xeneral de Deportes.
Ana María Cano, presidenta de l’Academia de la Llingua Asturiana (ALLA), tien bones sensaciones cola eleición d’Emilio Marcos Vallaure como conseyeru de Cultura y Deporte. “Doi-y un votu de confianza”, asegura.
La falta de conteníos propios nos manuales y programaciones didáutiques nos IES asturianos esmolez a N’Ast. Esta asociación cultural ve urxente “la visibilidá de la hestoria asturiana nes enseñances medies”.
La conmemoración del aniciu de la Guerra Civil que’l llunes pasáu fixo la Hermandad de Defensores de Oviedo na plaza d’España provocó’l refugu de Bloque-UNA. La coalición reclama al Conceyu qu’impida homenaxes fascistes.
Un día depués de que’l Gobiernu d’Álvarez-Cascos diera a conocer el so nomamientu como viceconseyeru d’Educación y Formación Profesional, Miguel Ángel Forascepi arrenunció al cargu. L’inspector d’Educación alega motivos de salú.
La Xunta Xeneral escoyó esti miércoles a los sos dos representantes nel Senáu nel primer Plenu d’esta llexislatura. Como yera d’esperar, Isidro Martínez Oblanca (FAC) y Javier Fernández (PSOE) salieron elexíos pol Parllamentu.
Inaciu Galán, presidente del Conceyu Universitariu pol Asturianu (CUPA), va participar esti xueves na Tertulia Enrique García-Rendueles. Esti coleutivu ta d’actualidá pol so trabayu pa que la Universidá permita presentar tesis n'asturianu.
