La Cruz Bermeya de Villaviciosa entama’l XII Mercáu Maliayu

La plaza del Anchu de Villaviciosa va acoyer, esti martes y miércoles, la celebración del XII Mercáu Maliayu. La Cruz Bermeya llocal entama esti eventu pa recaudar fondos pa desarrollar les sos actividaes humanitaries.
 
En total son 30 los puestos instalaos nesta plaza maliaya onde los visitantes van poder mercar dende productos d’artesanía hasta tortos caseros, bollos preñaos o sidra. Amás, la organización tien preparao un programa d’actuaciones musicales pa estes dos xornaes na que va haber un güecu pa los cantares de chigre tres la inauguración de mañana, a les 13 hores. El martes tamién van actuar el grupo coral 'Capilla de la Torre' (19.30 hores) y la Banda Gaites Villaviciosa El Gaitero (20.30 hores).
 
Yá de miércoles, la música oriental va amenizar la mañana gracies a l’actuación del grupu de danza ‘Rosas del desierto’ (12 hores), pa continuar de tarde colos bailles del Grupu Folclóricu Villaviciosa (20 hores) y el teatru de l’Asociación de Mayores ‘Cuídome, Cuídame’ de Venta Les Ranes. El Conceyu de Villaviciosa y delles entidaes llocales collaboren cola Cruz Bermeya llocal nel entamu d’esti mercáu.