L'Arribada fairá un percorríu pela obra de Xicu Monteserín

L'escritor de lliteratura infantil y xuvenil n'asturianu Xicu Monteserín fairá un repasu pela so obra lliteraria'l próximu llunes 12 de setiembre na conferencia titulada De cuentos, xuegos y cosadielles, un repasu a les obres pa neños de Xicu Monteserín.

La presentación enmárcase dientro de les actividaes empobinaes a la LLIX programaes pa "L'Arribada. Vagamar Lliteraria" d'esti añu 2011 y tendrá llugar nel patiu del Centru de Cultura Antiguu Institutu a partir de les 18.00 hores.
Xicu Monteserín (Xixón, 1960) ye autor d'obres como "Un ermitañu de nome Merlín" (1984) o "¿Xugamos a les cosadielles?" (1986), dambes obres premiaes nel concursu "Llectures pa rapazos" de L'Academia de la Llingua Asturiana y espublizaes na Colección Escolín de la mesma Academia. Asina mesmo nel añu 1994 espublizó'l volume de poemes "Nuna caxa d'ágates" amás del relatu "Florín, el pescador de ballenes" (1983).