La Fundación Banco de Alimentos anicia n'Uviéu una campaña especial de recoyida de comida

Esti vienres inauguróse una campaña especial de recoyida d’alimentos entamada pola Fundación Banco de Alimentos n’Uviéu. La institución benéfica instaló una caseta na cai 9 de mayu cola fin de reforzar la so actividá de cara a la Navidá.
 
Decenes de voluntarios van participar nesta iniciativa, que va allargase hasta’l xueves, informando a los ciudadanos que paseen pel centru de la ciudá. “L’oxetivu ye concienciar cada día a más asturianos de la necesidá de donar alimentos pa cubrir les necesidaes de les persones con menos recursos”, señalen dende la organización. Pa ello, la Fundación va mantener abierta la caseta del 9 de mayu tolos díes n’horariu de 10 a 14.30 hores, y de 16.30 a 20 hores.
 
Dende la institución benéfica quieren agradecer al Conceyu d’Uviéu y a los cuatro grupos municipales l’apoyu pa poner en marcha esta campaña, asina como a les emprese Brum, Retif y Mores, y a los voluntarios de los colexos San Ignacio y Virgen de La Milagrosa. Otra manera, la Fundación va entamar una activá nueva de la ‘Operación quilu’ mañana nos supermercaos de Masymás de toda Asturies.