Asturies reclama a la Generalitat la devolución de documentos

El Gobiernu del país reclamó a la “Generalidad” de Catalunya la devolución de documentos xeneraos por instituciones publiques. L’Executivu nun descarta esixir la entrega de tolos papeles incautaos a Asturies y guardaos en Salamanca.
 
El Conseyu de Gobiernu alcordó tomar esta midida ante la postura nueva del Ministeriu de Cultura de suspender el próximu treslláu previstu de documentación del Centro Documental de la Memoria Histórica de Salamanca al Archivo Nacional de Catalunya. L’Executivu de FAC entiende qu’estos documentos son d’interés pal patrimoniu documental asturianu, yá que supón la recuperación del archivu institucional del país.
 
Nesi sen, amás de reclamar la restitución de los fondos xeneraos pol Conseyu Soberanu d’Asturies y Lleón incautaos en Barcelona, el Gobiernu va apoyar los pidimientos que faigan les personas naturales o xurídiques de caráuter priváu del país. D’igual forma, nun descarta esixir la devolución “de la totalidá de los fondos incautaos n’Asturies y que s’alcuentren nel Centro Documental de la Memoria Histórica citáu".