La Universidá pon en marcha una plataforma pa la consulta y descarga de les sos páxines científiques

‘Reunido’ ye’l nome de la plataforma entamada pola Universidá d’Uviéu pa la consulta y descarga de les sos revistes científiques. L’oxetivu ye facilitar l’accesu llibre a la investigación especializada que se fai na institución universitaria.

Según comunica la Universidá, esta plataforma ufierta la coleición completa d’Archivium, revista creada nel 1951 y hasta agora poco accesible; les publicaciones Trabayos de Xeoloxía, Liño, Ería y, llueu, la nueva Economics and Business Letters, amás de la revista Psicothema, publicación de psicoloxía d'ámbitu internacional anque venceyada dende le so creación a la Universidá d'Uviéu. “L'oxetivu de ‘Reunido’ ye facilitar l'accesu llibre, inmediatu y gratuitu a la investigación especializada que se realiza” na institución universitaria.

Esti proyeutu nuevu foi desenvueltu pol Vicerrectoráu d'Estensión Universitaria, Cultura y Deportes, al traviés del Serviciu de Publicaciones. Na mayor parte de los númberos, los artículos pueden consultase n'achivos PDF sobre los que ye posible realizar busques por pallabres. Mentes, la plataforma escoyida pa la xestión electrónica de les revistes actives de la Universidá d'Uviéu ye Open Journal System (OJS), de códigu abiertu y llibre distribución.