Andecha Astur preséntase a les eleiciones nacionales anticipaes ensin la marca Conceyu Abiertu
|
14 Febreru, 2012 por Pablo R. Guardado
- Inicie sesión o rexístrese pa espublizar comentarios
Andecha Astur confirmó nun comunicáu la decisión tomada’l sábadu de presentase a les eleiciones con eses sigles y non al traviés de la plataforma d’eleutores Conceyu Abiertu. Tamién anunció la so intención de siguir col procesu de xunidá.
Tres conocese l’entendimientu previstu ente Bloque por Asturies y Unidá Nacionalista Asturiana (UNA) pa entamar una coalición pa participar otra vuelta xuntos nes eleciones, na que nun entraba Andecha Astur al nun algamar alcuerdos coles otres dos organizaciones nes negociaciones celebraes la selmana pasada, quedaba por desvelar con qué sigles diba a presentase esta formación el 25-M. Finalmente, nun conceyu celebráu’l sábadu, la militancia decidía participar como Andecha Astur en vez de cola plataforma d’ellectores Conceyu Abiertu, marca eleutoral utilizada’l 22 de mayu.
“Énte la imposibilidá de facer efeutiva la xunidá d’aición pa esta convocatoria eleutoral y poder ufiertar a la sociedá asturiana una única alternativa nacionaliega, Andecha Astur decide presentase a estes eleiciones nacionales na so llinia d’izquierda nacionaliega, col convencimientu de que ca vuelta ye más necesaria esa xunidá d’aición en defensa d’Asturies”, entama’l comunicáu de la organización. Nél fai referencia a la importancia que tuvo’l nomáu ‘Manifiestu 25-M’, robláu por doce persones del mundu asturianista, al entender que “marca definitivamente un enantes y un dempués na dinámica del nacionalismu asturianu, al plasmar en términos claros y concisos un analís de la realidá necesariamente compartíu por toda aquella persona o organización que defenda una alternativa nacionaliega d’izquierda p’Asturies. Ello asina, dende Andecha Astur non solo compartimos esi analís, sinón que dende yá manifestamos la nuesa voluntá de siguir nesa llinia una vuelta pasáu’l paréntesis eleutoral, y fadrémoslo comu agora, ensin dengún condicionamientu previu y con una voluntá cierta d’aportar a alcuerdos”. Sicasí, la organización nacionalista reconoz que’l ‘Manifiestu 25-M’ ta “tovía mui lloñe d’algamar los sos oxetivos”, anque apunta que posibilitó reuniones ente Andecha, Bloque por Asturies y UNA, lo que califica de "ésitu".
Conteníu especial:
Efrén d'Andrés
Comentarios
Non ye la primera ve que lo facen...asina allegrense los partios estatales-espardi i non mos ve nengun. Ìsta ye la estretexa mas prieta de toes. Si non son capaces de facer una xuntaza, con mesmu demoniu pol amor d'Asturies, ye meyor que non se presenten..almagar votos va facer lo que menos..solo facer al floxu mas floxu!!
Probe Asturies ! Onde ta la too xente ..............Mas Castiella, menos Asturies ye'l lema de andecha.
Depués de décades d'esperiencia nel asuntu namás puedo dicir que'l que crea que los nacionalistes-asturianistes, anque namás que seyan que los "d'izquierdes" vayan dir toos xuntos a unes elecciones dalgún día, pué creelo, como tamién pué creer nos reis magos, nos cuentos de xanes o en Papá Noel. Si fueren xuntos nun seríen asturianos, jajajajajaaaa, lo de dir separaos ye yá "marca de la casa", jajajajajaja, val más reíse, ye lo que nos queda a estes altures, ah! y 2.000 votos tirando polo alto, como siempre.
Gabis
Vamos ver, y viendo que n'otru "mediu" afín a AA censúrase lo que nun gusta a AA, vamos ver si equí nun se borra:
1- AA diz nel comunicáu publicáu'l llunes 13 (ver equí http://andecha.org/index.php?option=com_content&view=article&id=511:andecha-astur-presentase-a-les-elleiciones-nacionales-del-25m-&catid=1:nacional&Itemid=62) que "...el “Manifiestu 25M” yá algamó’l so primer ésitu, al permitir que los representantes de Bloque-UNA s’aconceyaran por primer vegada na hestoria con Andecha Astur...".
2- El "Manifiestu 25M" dase a conocer el domingu 5 de febreru en distintos medios.
3- Sin embargu, el propiu Mariu Arbesú diz nun "informe" publicáu n'otru "mediu" (ver equí http://andecha.org/index.php?option=com_content&view=article&id=511:andecha-astur-presentase-a-les-elleiciones-nacionales-del-25m-&catid=1:nacional&Itemid=62) que lu llamen dende'l Bloque-UNA el sábadu día 4 de febreru (un día enantes del manifiestu).
Conclusión: AA fai un usu partidista del Manifiestu 25M, mintiendo, porque ye imposible qu'esti manifiestu "posibilitara" qu'AA s'aconceyara col Bloque-UNA cuando'l manifiestu ye posterior a la llamada del Bloque-UNA p'aconceyar.
Y esto, que ye una verdá oxetiva y demostrable, foi censurada d'esi otru mediu. Si yes votante o militante d'AA, has pensar bien onde tas y qué xente ta al mandu d'AA.
El problema ye que si ellos saquen un votu más que los otros ya lo dan todo por bueno. Nun sé a quién podré votar, nunca voté a un partíu español (FORO tamién ye español), quedaréme en casa.
Col CUPX quedaron col culu al aire
Con Cubero y esi cartelín delantre los culos, más entá.
Con la Xuntanza y los sos topos tamién quedaron col culu al aire.
Col manifiestu de Rivas y los "doce nacionaliegos" de la selmana pasada, más tovía quedaron col culu al aire.
Colos 1500 votos y ensin autocrítica dala: más entá quedaron col culu al aire.
Col vox populi de "divide y vencerás" que prautiquen al serviciu d´españa, más y más culos al aure.
Con fenómenos como Arbesú y les sos llamadines y correínos pidiendo "xunidá d´aición", más culu al aire