Más de 250 ciudadanos y personalidaes de la cultura y roblaron un manifiestu contra l’ataque al asturianu nos XIII Premios de la Crítica. Reclamen que l’Asociación d’Escritores d'Asturies rectifique na so decisión d’arrequexar la llingua asturiana.
Foro de Ciudadanos va tener los votos del PP na sesión constitutiva de la Xunta Xeneral. Mercedes Fernández anunció que va apoyar al candidatu que proponga esti vienres el partíu de Francisco Álvarez-Cascos como presidente de la Cámara.
El musicólogu alemán Franz Schlindler foi la primer persona que fixo grabaciones en trabayu de campu n’Asturies. L’Archivu de Música Tradicional recuperó esta xoya compuesta por 33 documentos sonoros rexistraos en Llanes y Cabrales nel 1932.
El Centru Cultural Internacional Avilés ye’l llugar escoyíu por Xera pa presentar el 14 de xunetu’l so trabayu nuevu, ‘Llume’. L’espectáculu va desendolcase en soníu 5.1, dalgo novedoso n’Asturies, y va grabase pa la so difusión posterior.
L’Asociación d’Escritores d’Asturies retiró la categoría d’asturianu nos XIII Premios de la Crítica. Ello provocó la reaición d’escritores como Carlos Suari, que decidió devolver el gallardón que ganara nel 2009, y de dellos coleutivos.
El conseyeru de Cultura en funciones, Emilio Marcos Vallaure, destacó la collaboración de los conceyos y la comunidá escolar na XXXIII Selmana de les Lletres Asturianes. Esti añu ta dedicada a los poetes Benito de l’Auxa y Antón Balvidares.
El ‘Conceyu Abiertu’ nel qu’entrugamos a los nuesos llectores sobre’l color del Gobiernu próximu del país resultó mui igualáu. Al final, ganó, con un 41 por cientu, la opción qu’apuntaba a un Executivu de dereches n’Asturies.
El Centru Polivalente La Baragaña, en Candás, acueye una esposición de dibuxos de Sidoro Villa Costales dende esti miércoles hasta’l 18 de mayu. Nel llugar tamién van mostrase campañes infantiles entamaes pol SNL d’El Cabu Peñes.
El xixonés Chigre Cantábricu va ser sede esti xueves d’una xornada nueva de la Tertulia Pachín de Melás. Nesta ocasión el tema a tratar ye'l polémicu borrador de la ordenanza cívica de Xixón que quier sacar alantre’l gobiernu municipal de Foro.
La derecha nun llega a un entendimientu sobre’l candidatu a presentar na sesión d’investidura. Mercedes Fernández anunció que diba a optar a la presidencia, mentes que Foro quier mantener nel puestu a Francisco Álvarez-Cascos.
