La octava propuesta de TermAst yá ye una realidá. L’escritor y músicu Ricardo Saavedra asoleyó un documentu con términos venceyaos a la Teoría de la Lliteratura, el primeru que s’espubliza no que va del 2012.

El vienres pasáu celebróse’l XXXIII Día de les Lletres Asturianes. Asturies.com tuvo presente tanto na manifestación como nel actu académicu convocaos nesta xornada y ufre una galería de semeyes de les dos actividaes.
 

Un total de 334 de los sufraxos exercíos por emigrantes nes eleiciones proceden de persones que nun solicitaron el votu, según afirmó Foro esti llunes. El partíu de Francisco Álvarez-Cascos treslladó esti datu al Tribunal Constitucional.
 

Manuel Benayas y Yolanda Huergo, voceros de la coalición Bloque-UNA, anunciaron l’entamu d’un procesu xunitariu que va terminar el 23 de xunu nun Conceyu Fundacional. Ta abiertu un censu pa tolos interesaos en participar nel proyeutu.
 

La presidenta de l’ALLA, Ana María Cano, reclamó “racionalidá, planificación y xusticia” pa col asturianu nel so discursu institucional del Día de les Lletres Asturianes. Alredor de 1.500 persones participaron na manifestación previa pola oficialidá.
 

Esti vienres celebróse nel Teatru Filarmónica'l XXXIII Día de les Lletres Asturianes. Asturies.com ufre’l discursu institucional completu que la presidenta de l’ALLA, Ana María Cano, lleó sobre les tables del teatru uviedín.

Discursu del XXXIII Día de les Lletres Asturianes

Asturies vive’l Día de les Lletres Asturianes con delles actividaes a lo llargo de tol país y con descuentos del 10 por cientu na merca de llibros y discos n’asturianu. L’ALLA tresllada’l so actu académicu al Teatru Filarmónica.
 

“Equí hai una inxusticia permanente y un acosu y derribu, nesti Estáu, nesti país y nesta Sala, sobre manera”, espresó nel actu de conformidá la moza acusada de golpiar nel 2010 a Vicente Álvarez Areces. Aceptó una pena de dos años.
 

Esti vienres, Día de les Lletres Asturianes, la Xunta pola Defensa de la Llingua Asturiana (XDLA) entama una manifestación pa reclamar la oficialidá del idioma. La marcha va salir a les 19.30 hores de la Estación del Norte d’Uviéu.
 

La sentencia qu’anula la ratio mínima pa cursar Llingua Asturiana supón “un gran avance”, según SUATEA. El sindicatu del sector educativu esixe’l cumplimientu inmediatu del fallu del Supremu y critica'l llabor del Executivu anterior y del d'anguaño.