Ryanair incorpora vuelos a Gran Canaria y Tenerife Sur a la so ufierta de branu dende Asturies

La compañía irlandesa de baxu coste Ryanair va volar esti branu a Gran Canaria y Tenerife Sur dende Asturies. D’esta forma, suma estos dos destinos a los yá esistentes de Barcelona y Madrid, qu’opera dende’l día 3 d’esti mes.
 
Estes rutes nueves con Canarias van principiar el 26 de xunu con tarifes dende 30,99 euros por trayeutu, tases incluyíes. Estes places van ponese a la venta dende mañana na web de la compañía irlandesa, que ta ufriendo nestos momentos vuelos a Barcelona y Madrid, pa viaxar dende Asturies en mayu o xunu, por 10,99 euros dende Asturies. Esti preciu ye por trayeutu.
 
Les conexones col aeropuertu de Gran Canaria serán los martes, con salida de la isla a les 17.10 hores y vuelta pa Canarias a les 21.30 hores. Mentes, los vuelos con Tenerife Sur tendrán llugar los miércoles, con despegue hacia Asturies a les 08.35 hores y retornu a les 12.55 hores. Cola incorporación d’estes dos rutes, Asturies va tener catorce frecuencies selmanales con Canarias, yá qu’Air Europa yá dispón de rutes ente Santiagu’l Monte y los aeropuertos de Tenerife Sur, Gran Canaria, Lanzarote y Fuerteventura.