La banda de punk-rock n’asturianu Sambre tien previsto dos conciertos pa presentar el so EP ‘L’arume’. El primeru va celebrase esti xueves en Xixón y nél van actuar tamién los canadienses The Mahones y los gallegos Bastards on Parade.
El llunes, a les 18 hores na Facultá de Formación del Profesoráu y Educación de la Universidá d'Uviéu, va tener llugar una mesa redonda sobre la situación del asturianu na institución. El Conseyu d’Estudiantes entama esta iniciativa.
El Conceyu de Bimenes anunció l’apertura del plazu d’inscripción pal XIII Concursu de Gaiteros y Gaiteres Mozos. El requisitu únicu pa participar nél y optar al premiu de 300 euros ye ser menor de 21 años a fecha del 31 de mayu.
Baxo’l lema ‘Esto nun ye una crisis, ye'l capitalismu’, el movimientu 15-M torna a salir a la cai esti sábadu. Una gran manifestación ta convocada n’Uviéu pa celebrar l’aniversariu de la toma de les places mayores del país.
La presencia asturiana nel VII Festival Máscara Ibérica de Lisboa, que principia’l xueves, medra añu tres añu. Nesta ocasión participen Los Sidros y Les Comedies de Valdesoto y Os Reises de Valledor, amás de dellos grupos musicales.
El nuesu ‘Conceyu Abiertu’ dexó nidia la postura que mantienen los usuarios d’Asturies.com al respeuto del copagu sanitariu que quier implantar el Gobiernu estatal del PP. Un 77 por cientu ta en contra d’esta midida.
La XXXIII Selmana de les Lletres Asturianes nun tuvo la visibilidá que se merez, n’opinión de la XDLA. Esti coleutivu denuncia la non celebración del actu de llectura de testos na Xunta Xeneral y la cobertura tan probe que fixo la RTPA.
L’ex presidente d’Asturies Sergio Marqués morrió esta mañana en Xixón a los 65 años. Según informó la so familia, el que fora políticu del PP y fundador d’URAS sufrió un infartu a la entrada de so despachu, onde exercía como abogáu.
Les declaraciones del senador Isidro Martínez Oblanca sobre irregularidaes supuestes nel votu emigrante nun prestaron a la Xunta Eleutoral, que decidió informar a la Fiscalía. Considera que faen duldar sobre la so “oxetividá y imparcialidá”.
L’añada 2010 del vinu Ḷḷumés, el primeru etiquetáu en llingua asturiana, yá ta a disposición de los aficionaos a esta bébora. Inscritu na IXP Vinu de Calidá de Cangas, esti caldu de Bodegas Oubanca ye ún de los más demandaos de la zona.
