El 41 por cientu de los llectores d’Asturies.com cree que’l Gobiernu próximu del país va ser de dereches

El ‘Conceyu Abiertu’ nel qu’entrugamos a los nuesos llectores sobre’l color del Gobiernu próximu del país resultó mui igualáu. Al final, ganó, con un 41 por cientu, la opción qu’apuntaba a un Executivu de dereches n’Asturies.
 
Mentes, un 36 por cientu considera que la izquierda va gobernar nel país nesta llexislatura, por un 9 por cientu que cree na posibilidá d’un Executivu de concentración, como demandaba nun primer momentu UPyD. El porcentaxe d’usuarios que nun tienen nidio’l color del Gobiernu próximu foi del 14 por cientu. Los cinco partíos con representación parllamentaria continúen, a día de güei, averando postures y, con casi toda seguridá, nun se conocerá hasta última hora quién va formar el Gobiernu del país.
 
Otra manera, dende esti mesmu momentu los nuesos usuarios yá pueden votar nun ‘Conceyu Abiertu’ nuevu. Nesta ocasión queremos conocer la opinión de los llectores d’Asturies.com sobre’l copagu sanitariu.