La Plataforma ‘Oro No’ recuerda al Gobiernu entrante la so promesa de refugar la mina de Tapia

El coleutivu de ciudadanos contrarios al entamu d’un mina d’oru en Tapia, la Plataforma ‘Oro No’, recuerda al Gobiernu nuevu la so promesa eleutoral de refugar el proyeutu. Reclama que presente alegaciones al estudiu ambiental.
 
La plataforma recuerda a Javier Fernández qu’ha d’entamar aiciones concretes dirixíes a evitar "l'enorme y irreversible desastre medioambiental y socioeconómicu" que supondría pal occidente del país la puesta en marcha d'una mina d'oru en Salave, según indicó la plataforma al traviés d'un comunicáu. En concreto, pide al Executivu nuevu que presente alegaciones al estudiu mediaombiental que la empresa minera Asturgold ta acabante d’unviar a la Xunta Xeneral.
 
Coles mesmes, ‘Oro No’ critica la "falta de seriedá y de rigor absoluta" d'Asturgold, “carauterizada pola prepotencia, encuestes interesaes y probablemente falsiaes, y inxerencies na política municipal, cifres estimaes d'emplegu que varíen de selmana en selmana, númberu de curriculums recibíos incoherente en rellación cola población en paru de la fastera, y una llarga llista de faltes de respetu y consieración a los vecinos de Tapia".