Skip to content

Asturies

16-04-2014

Un ataque de Justo Vilabrille al Festival Arcu Atlánticu y a L’Arribada, por supuestu tratu de favor, llevó a l’asociación cultural a asoleyar un comunicáu de respuesta a los bilordios del edil. Nél condena l’actitú “antiasturiana” del socialista.

14-04-2014

El Gobiernu estatal ha de responder en feches próximes trés entrugues plantegaes por Andecha Astur sobre la decisión de la OLAF de reclamar 198 millones n’ayudes pola ampliación d’El Musel. El vascu Rafael Larreina encargóse de treslladales.

11-04-2014

Cinco mil llitros de sidra esperen a mierenses y visitantes pa celebrar la Folixa na Primavera. Per trés díes, la ciudá va acoyer una cantidá importante d’actividaes, ente les que destaquen los conciertos de Xera, Cerezal, Korrontzi y Ross Ainslie.

01-04-2014

L’Asador Alto de la Miranda y el restorán Peña Mea acueyen les I Xornaes Gastronómiques de les 6 Races Autóctones en Peligru de Desaniciu. Ésten dan aniciu esti martes y van ufrir productos d’estos animales hasta’l día 15.

01-04-2014

La Oficina Europea de Lucha contra’l Fraude (OLAF) de la Comisión Europea reclama la devolución de 198 millones d’euros n’ayudes a la obra d’ampliación d’El Musel. Atopó irregularidaes na axudicación a la XTE Dique Torres.

26-03-2014

Daniel Fernández, voceru de Compromisu, anunció que la federación va sofitar la candidatura de Podemos a les Europees, anque reconoz “lluces y solombres nel procesu”. El xueves va presentase n'Uviéu'l procesu de Primaries.

25-03-2014

Los resultados d’una analítica obliguen a Aníbal José Vázquez Fernández a dexar de forma temporal l’alcaldía de Mieres. El médicu recomienda-y reposu, dieta y exerciciu, polo que Manuel Ángel Álvarez Álvarez va quedar al frente de la Casa Conceyu.

17-03-2014

Esti sábadu diose a conocer la coalición na que va participar Andecha Astur nes eleiciones Europees, de la que nun va formar parte Conceyu Abiertu. Lleva’l nome de Los Pueblos Deciden y ta liderada por EH Bildu y el BNG.

13-03-2014

El Teatru Prendes de Candás foi’l llugar escoyíu pola estaya d’Izquierda Xunida (IX)  ‘Faciendo país’ pa presentase en sociedá. El so coordinador, Víctor Suárez, señaló que surde p’afitar el compromisu pa col asturianismu de la coalición.

12-03-2014

Esti sábadu ta convocáu un Conceyu Nacional de Conceyu Abiertu con un puntu únicu nel orde del día: les Europees del 25 de mayu. El refugu de les CUP a participar nestes eleiciones podría marcar la decisión de la militancia.

05-03-2014
Esta fin de selmana va tener llugar la tercer edición de ‘Samartín de les tortielles’, eventu gastronómicu col asturianu como llingua vehicular. Participen un total de 25 establecimientos de L’Entregu, Blimea y Sotrondio.
 
05-03-2014

Un mes depués, un temporal nuevu azotó la costa asturiana. Según espliquen dende Fomentu, los estrozos foron importantes, anque non como na vegada anterior. Cuideiru, El Porto, Tapia y Lluanco, les poblaciones más afeutaes.

28-02-2014

La empresa Gonzali Producciones tien en marcha un casting col oxetivu de crear un bancu de voces pa doblaxes futuros al asturianu pa la TPA. El perfil buscáu ye’l de persones con esperiencia en llocución o doblaxe, adultos y neños.

17-02-2014

Andecha Astur aprobó nel Conceyu Xeneral estraordinariu celebráu’l sábadu la participación nes Europees dientro de la coalición que lidera EH Bildu. La formación caltién la propuesta d’entamar una candidatura asturiana xunitaria nella.

14-02-2014

El gobiernu municipal de Foro nun ve necesariu un espaciu na ciudá pa homenaxar la bandera española, como pretendía’l PP de Xixón. Los populares queríen siguir los pasos d’otres ciudaes del Estáu como Madrid o Santander.

13-02-2014

Asturies, pese al potencial turísticu que tien, nun acaba de consolidase como destín, sobre manera ente los visitantes de fuera del Estáu. Un 85 por cientu de los nuesos usuarios nun ve afayadiza la promoción que fai’l Gobiernu.

12-02-2014

El grupu municipal del Partido Popular de Xixón presentó un ruegu al Conceyu nel que pide un espaciu na ciudá pa “rindir homenaxe” a la bandera española. Los populares esperen una respuesta del gobiernu de Foro nel Plenu del vienres.

04-02-2014

L’edil d’UNA-Bloque por Asturies (Compromisu por Carreño), Roberto Holgado, presentó una demanda contra Ramón Artime. La denuncia vien poles calumnies del conceyal d’UICA hacia la so persona en dellos plenos.

03-02-2014

Yá va quedando menos pal 25 de mayu, xornada d’eleiciones pa escoyer a los diputaos que van ocupar los 54 escaños que correspueden al Estáu na Eurocámara. Tolos partíos anden anguaño en negociaciones pa zarrar les distintes candidatures.

30-01-2014

L’actitú de César Movilla, alcalde socialista de Noreña, pa col idioma llevó a l’ALLA a treslladar a la FSA-PSOE “la so más fonda preocupación y perplexidá”. El primer edil negó l’usu d’un llocal municipal a un coleutivu por solicitalo n’asturianu.