Asturies, segundu platu turísticu: "No es el Jerte pero es igual de bonito"

La páxina oficial de promoción 'Turismo Asturias' presenta al país na rede social X como destín de segundes opciones.

"No es el Jerte pero es igual de bonito" o "¿Sabías que aquí también celebramos la Feria de Abril?" con "desfiles, exhibiciones de caballos, casetas rocieras..." son dos de los cuatro últimos mensaxes xubíos na cuenta. Una desafortunada forma de presentar a Asturies como segundu platu turísticu.

"Vaya vergüenza. Será que nun tenemos coses propies nosotros para promocionar", respondía l'usuariu Pipu al que vendía a Asturies, en concretu L'Infiestu, como una Sevilla alternativa. "De 'Asturias, paraíso natural' a 'Asturias, lo que el turista quiera'", quexábase Andrés Fernández.

En definitiva, una forma de presentar al paisaxe y cultura propia del país como segundu platu d'otres opciones turístiques a les qu'Asturies sería, supuestamente, una alternativa. Nesti casu El Jerte y la Feria de Abril sevillana.

¿Sabías que aquí también celebramos la Feria de Abril? Desfiles, exhibiciones de caballos, casetas rocieras... ¡prepárate! ¡te esperan a partir del jueves en l'Infiestu!
Programa ▶️ https://t.co/T4owSWkf7u pic.twitter.com/pwh3Jw3zCy

— TurismoAsturias (@TurismoAsturias) April 24, 2024