Éstos son los 14 espertos que van comparecer na Xunta Xeneral sobre'l mandatu-marcu de RTPA

El documentu va definir la estructura y oxetivos del ente públicu de comunicación pa los nueve años próximos, tamién la presencia del asturianu y gallego-asturiano na programación.

Una vez designada en febreru la ponencia pa ellaboración del mandatu-marcu de RTPA na Xunta Xeneral, los trabayos pa la ellaboración del testu qu'ha ser aprobáu por mayoría absoluta nel Parllamentu avancen. Pal día 18 ta convocada una sesión na Xunta Xeneral pa la comparencia de diferentes espertos propuestos polos diferentes grupos parllamentarios pa conocer les sos opiniones y responder les diferentes entrugues de los representantes políticos.

En total son 14 los confirmaos, los siguientes:

FSA-PSOE

• Azahara Cañedo, académica esperta.
• Carlos Navarro, productor y realizador.
• Mario García Bango, periodista y ex direutor de RNE y TVE n'Asturies.

PP

• Marcos Martínez Merino, del coleutivu Lluces (Asociación de Creadores Audiovisuales Independientes d'Asturies).
• Julio García Cedrón, espertu.

VOX

• Rafael González Muñiz, espertu.
• Joaquín Rubio, espertu.
• Esteban Abalde, trabayador de RTPA.

Convocatoria por Asturies

• Ramón Lluís Bande, cineasta.
• Inaciu Galán, periodista.
• Bárbara Alonso Peri, periodista y ex direutora d'Informativos de RTPA.

Grupu mestu (Foro y Cova Tomé)

• David Guardado, de 'Reciella. Families pol Asturianu'.
• Penélope Miranda, de l'Asociación de Trabayadores de la Normalización Llingüística.
• Xuan Cándano, periodista.