noticia

El conceyu de L.lena presentó güei la campaña “N’asturianu queda guapo”. Esta iniciativa que ta dirixida a los neños del conceyu consiste na edición de 6 modelos de carteles nos que se trabaya un vocabulariu mui usáu como ye: el patiu, la calle, la clase, el comeor, el bañu y el cuerpu humanu. Los carteles van repartise peles escueles del Conceyu, nes ludoteques y nel serviciu de pediatría.  

La Conseyería d'Educación acaba d'abrir el plazu p'apuntase a les actividaes qu'ufierta pal alumnáu de Llingua Asturiana nesti cursu 08/09.

El pasáu vienres 23 de xineru entregáronse nel Teatru Riera de La Villa los premios correspondientes a la VI edición del Concursu de Cómic n'asturianu qu'organiza la Comarca la Sidra  dientro del programa "Creación".
El ganador del concursu foi Manuel García Iglesias, dibuxante de Xixón y autor del trabayu "La Misión". Amás resultaron finalistes los comics de Sebastián Mulero y Juan Miguel Borja Estévez.
Pela so parte tamién tuvieron presentes dellos escolinos y escolines ganadores del certame de "Tires Cómiques" empobináu a la reciella de la Comarca.

El pasáu vienres 16 de xineiru, presentóuse en Cangas del Narcea la campaña del Serviciu de Normalización L.lingüística: Miou primer vocabulariu en l.lingua asturiana, una campaña presentada pola Conceyala de Cultura de Cangas del Narcea, Bibiana Martínez y la responsable del serviciu, Mónica Rodríguez Riesgo.

Col entamu d'añu recuperamos dalgunos de los títulos más interesantes que se tienen asoleyao a lo llargo de los últimos meses del 2008 pa incorporalos a la nuestra Biblioteca.
Son títulos empobinaos a distintes edaes y de mui diferentes formatos y temátiques: "Ello ye too la xente que nun mos compriende" de Pablo Rodríguez Medina; "Les coses que-y presten a Fran" de Berta Piñán; y "Nosotros, los pexes" de Miguel Solís Santos.

La editorial asturiana Pintar - Pintar acaba poner en marcha una guapa iniciativa pa dar a conocer los cuentos a les neñes y neños d'Asturies. Trátase d'ufiertar a los colexos, biblioteques y cases de cultura, esposiciones compuestes poles llámines de cuatro de los sos títulos n'asturianu, concretamente: "Chispina" y "el poema que cayó a la mar" d'Aurelio González Ovies; "poemes de carambelu" de Marisa López Diz y "De qué tará fecha la lluna" de Miguel Rojo.

El pasáu mes d'ochobre l'Asociación d'Escritores d'Asturies entregaba los sos premios añales a les meyores obres escrites por autores ñacíos o residentes n'Asturies. Na modalidá de Lliteratura Infantil y Xuvenil n'asturianu los galardonaos fueron Vicente García Oliva y Severino Antuña González, persones bien conocíes dientro del mundu de la Lliteratura n'asturianu empobinada al públicu más mozu, y colos que falamos na nuestra estaya d'Entrevistes.

La collaboradora d'esti espaciu, MªLuz Pontón, estrenó'l pasáu vienres 19 d'avientu un nuevu programa na cadena Localia Televisión. Trátase d'un espaciu "lúdicu-cultural" empobináu a un númberu ampliu de persones. El programa, que va emitise a les 20.00 a lo llargo de la última selmana del añu, lleva por nome "escolinos y non tan escolinos".
 

Por estes feches celebramos delles festividaes: la navidá, el fin d'añu, la nueche de reis... por embargu nun hai muncha xente que conoza dalgunes de les costumes más vieyes que tenemos n'Asturies en rellación col solsticiu d'iviernu, ye dicir, el pasu de los díes curtios y escuros, a los díes llargos y lluminosos.

La Conseyería d'Educación y Ciencia fizo públicos el pasáu día 3 d'avientu los datos correspondientes a la matriculación nes asignatures de Llingua Asturiana y Gallego-Asturianu.
Nellos podía vese una xuba del 9% nos estudiantes de les llingües propies d'Asturies nes sos diferentes estayes. En concretu fálase de más de 21.700 alumnos d'Asturianu y 459 de Gallego-Asturianu.