Entregáronse los premios del VI Concursu de Cómic n'asturianu

El pasáu vienres 23 de xineru entregáronse nel Teatru Riera de La Villa los premios correspondientes a la VI edición del Concursu de Cómic n'asturianu qu'organiza la Comarca la Sidra  dientro del programa "Creación".
El ganador del concursu foi Manuel García Iglesias, dibuxante de Xixón y autor del trabayu "La Misión". Amás resultaron finalistes los comics de Sebastián Mulero y Juan Miguel Borja Estévez.
Pela so parte tamién tuvieron presentes dellos escolinos y escolines ganadores del certame de "Tires Cómiques" empobináu a la reciella de la Comarca.
Como ramu del actu, nel que tuvieron presentes un bon númberu d'autoridaes, tuvo llugar l'actuación del grupu de teatru "Ensin Reparu" d'El Infiestu, que punxo sobre les tables la obra "Díxolo Blas, puntu redondu" de José Ureta de la Rúa.
 
*Imaxen del comic ganador de la pasada edición.