noticia

La Casa’l Conceyu de Llangréu acoyó la presentación de la campaña de normalización social del asturianu "El Mio Primer Vocabulariu, vocabulariu básicu de la Llingua Asturiana n’imáxenes". L’actu presidiólu l’Alcaldesa de Llangréu y contó cola presencia de la Conceyala de Política Llingüística, amas del diseñador de la campaña, Alfonso Zapico y el responsable del Serviciu de Normalización Llingüística llangreanu, Eloy Antuña.

Acaba nacer una nueva compañía de teatru n'Asturies, lleva'l nome de "Asturmitomanía" y según los sos propios miembros, "pretende espertar l'interés de los neños y non tan neños pola nuestra mitoloxía porque supón una buena forma de descubrir y d'entender la nuestra cultura, al traviés d'interesantes representaciones teatrales que recueyen y recreen, d'una manera lúdica, les raíces mitolóxiques del pasáu xunto con temes d'anguaño".

L'Academia de la Llingua Asturiana acaba de fallar el so concursu de lliteratura infantil y xuvenil, "Llectures pa rapazos", correspondiente al añu 2009. El xuráu decidió premiar nesta ocasión la novela curtia "Pelegrinos del abismu", de la que ye autor l'escritor maliayu Lluís Portal Hevia.
 

Con motivu de la celebración de la XXX Selmana de les Lletres Asturianes, qu'esti añu tará dedicada a la escritora ribaseyana Enriqueta González Rubín, la Conseyería d'Educación tien convocáu'l XIV Certame de Poesía y Dibuxu empobináu a los neños y neñes que cursen estudios de Llingua Asturiana nes sos diferentes estayes: Educación Infantil, Primaria, Secundaria y Bachilleratu.
Les bases son les que siguen darréu:
 
PRIMERA.- Pue participar tol alumnáu d’asturianu y de gallego-asturianu dende 4 y 5 años d’Educación Infantil a 2u Cursu de Bachilleratu.

L'artista gráficu Pablo Amargo, premiu nacional d'ilustración nel añu 2004, pondrá clase d'ilustración na Biblioteca Municipal de Cuaña'l próximu sábadu 4 d'abril a les 16.00 hores.
L'actividá ye de baldre y el propiu Ayuntamientu de Cuaña, organizador del taller, apurrirá los materiales necesarios pal desarrollu de la mesma.

Preséntase esti miércoles 11 de marzu nel Club de Prensa Asturiana de La Nueva España n'Uviéu, el llibru ilustráu de Miguel Solís Santos "Nosotros los pexes".
Na presentación, que tendrá llugar a les 20.00 hores, tarán presentes amás del autor, l'escritor Vicente García Oliva y el pedagogu y académicu de la llingua Xosé Antón González Riaño.
"Nosotros los pexes" fue la obra ganadora de la pasada edición del Concursu "Llectures pa rapazos" qu'añalmente convoca l'Academia de la Llingua Asturiana.

L’escritor xixonés Vicente García Oliva, cola obra "Fontenebrosa II: la rebelión de los homosaurios", ye'l ganador del Premiu Montesín de Narrativa Xuvenil, que convoca Ediciones Trabe en collaboración cola Conseyería de Cultura y Turismu. Resultaron finalistes les obres "Repuelgos" y "La maldición de Llucescuria".

La escritora Esther García vuelve a collaborar cola editorial asturiana Pintar-Pintar pa presentanos esti guapu álbum ilustráu que lleva'l títulu de "Menú de Versos". En "A la gueta los suaños tuvimos la oportunidá d'entrevistar a l'autora, asina como al ilustrador, Borja Sauras. Pues consultar lo que nos cuntaron na estaya d'entrevistes.

Esti xueves 19 de febreru va celebráse’l Día Internacional del Idioma Maternu entamáu pola Oficina Municipal de la Llingua del Conceyu de Xixón, y nel que collabora’l Colexu Públicu Rei Pelayo. L’actu va consistir na llectura d'un testu en distintes llingües, la presentación de la esposición del llibru "Les coses que-y presten a Fran" de Berta Piñán y el xuegu musical "Cómo nos canta la llingua".

Na reunión d’esti vienres pa tratar la sentencia del Tribunal Supremu sobre la calificación profesional de los profesores d’asturianu y gallego-asturiano en primaria y secundaria, estos decidieron, según pudo saber Asturies.com, reclamar a la Conseyería d’Educación la creación de la especialidá de llingua asturiana y de gallego-asturiano. Asimesmo, una representación d’esti colectivu va pidir una reunión col conseyeru.