Entrevistamos a los autores de "Garulla. Antoloxía del Ritmu"

El pasáu mes d'ochobre l'Asociación d'Escritores d'Asturies entregaba los sos premios añales a les meyores obres escrites por autores ñacíos o residentes n'Asturies. Na modalidá de Lliteratura Infantil y Xuvenil n'asturianu los galardonaos fueron Vicente García Oliva y Severino Antuña González, persones bien conocíes dientro del mundu de la Lliteratura n'asturianu empobinada al públicu más mozu, y colos que falamos na nuestra estaya d'Entrevistes.
El llibru premiáu, "Garulla, Antoloxía del Ritmu", ya fuera recomendáu nel apartáu de llibros, valorando'l so apueste pola lliteratura oral y lo guapo de la so edición. Agora tenemos la oportunidá de falar colos sos autores.