El 17 d’agostu ye’l día caberu pa presentar cintes pal decimosestu concursu de curtiumetraxes qu’entama l’asociación Aula 18 de Samartín del Rei Aurelio. Les obres pueden ser tanto n’asturianu como en castellanu.
La Comisión de Cultura del Parllamentu Européu aprobó en xunu un informe que recomienda la diversidá llingüística nel continente. La XDLA pide al Gobiernu que tenga en cuenta esti documentu pa preservar l’idioma del país.
Paula Pulgar va ser l’autora encargada d’abrir el llunes el Veranu Lliterariu 2013 qu’entama la Casa de la Llingua-Serviciu de Normalización Llingüística de Corvera. Esta actividá tien como oxetu promocionar la llectura infantil n’asturianu.
La selmana próxima Radio Sele va dar a conocer la decisión definitiva sobre’l so futuru. Tres la celebración d’una reunión, los sos responsables siguen mirando llocales, pero ye necesario sumar más socios pa continuar coles emisiones.
Los recortes en Grecia llevaron al zarru de la televisión pública pa crear una entidá más pequeña. ¿Pue pasar dalgo asina con RTVE? El 66 por cientu de los llectores d’Asturies.com considera que sí ye posible un escenariu similar nel Estáu.
Tres la denuncia pública de la XDLA del usu por parte de Paradores del topónimu castellanu ‘Corias’ en cuenta del oficial Courias, l’ALLA esixe a la so presidenta una rectificación. La inauguración del establecimientu va ser el 15 de xunetu.
La música asturiana va homenaxar a Igor Medio y Carlos Redondo esta fin de selmana. Más de venti grupos van actuar n’once llocales xixoneses nesta edición de N’Alcordanza pa recordar a dos persones “fundamentales” na escena.
La iniciativa d’un grupu de ciudadanos va llevar esti xueves al Plenu de dellos conceyos mociones d’apoyu a la querella arxentina contra’l franquismu. Nel 2010, una xuez abrió una investigación tres una denuncia de familiares de víctimes.
Tres el cambiu del añu pasáu pa evitar coincidir col Festival de la Sidra de Nava, la Fiesta de la Oficialidá de Bimenes torna a la fecha y al formatu orixina. Lluis Portal Hevia va ser, el 6 de xunetu, el pregoneru de la celebración.
L’Ayuntamientu de Larrabetzu homenaxeó esti sábadu a un grupu de milicianos asturianos que morrieron nel so territoriu nel 1937 na defensa del ‘cinturón de fierro’ qu’arrodiaba Bilbo. El municipiu bizkaitarra nomólos ciudadanos d’honor.
