El vienres celebróse n’Uviéu una Xunta Estraordinaria de l’Academia de la Llingua Asturiana (ALLA) na que se votó la presidencia de la institución. Ana María Cano resultó reelexía y va continuar cuatro años más al frente de l’ALLA.
Tres 21 años na presidencia del Sporting, dividíos en dos etapes, Manuel Vega-Arango arrenuncia al cargu. Antonio Veiga va ser presidente en funciones, pero Javier Fernández, fíu del aicionista máximu, apunta pal relevu.
La Conseyería d’Agroganadería y Recursos Autóctonos robló esti xueves convenios colos coleutivos de criadores pa potenciar les races autóctones y apoyar la competitividá de les esplotaciones. Les ayudes sumen un total de 800.000 euros.
La Conseyería d’Educación, Cultura y Deporte concede nesti 2013 un total de 308.000 euros de subvención pa la normalización del idioma. Ello supón una mengua del 3,88 por cientu con respeuto a les ayudes del añu pasáu.
Esta selmana cúmplense siete años de la muerte d’Igor Medio y Carlos Redondo, pero la música asturiana nun escaez la figura d’estos dos artistes. Los díes 28 y 29 van celebrase venti actuaciones d'homenaxe en Xixón ente reivindicaciones.
Esti martes va presentase en Lola Orato Espacio de Arte la revista ‘Plastic Crowds’ de creación y investigación artística. Creada por vigueses espardíos pel mundu, nella participa Ánxel Nava con un artículu en llingua asturiana.
El coleutivu Iniciativa pol Asturianu presentó esti vienres na sede de FADE n’Uviéu la campaña ‘La empresa asturiana muévese!’. Venti negocios de diferente calter participen d'aniciu nesti proyeutu que pretende dotar al idioma d’un status.
Hunosa va tener qu’abonar a 6.638 prexubilaos les perres de les pagues que-yos recortó en febreru. El Tribunal Superior de Xusticia d’Asturies (TSXA) falló a favor de los sindicatos, que demanden a la empresa que faiga’l pagu darréu.
El 20 de xunu ye’l Día Mundial del Refuxáu. Por esti motivu, entama n’Uviéu la Selmana Mundial de les Persones Refuxaes, que va constar de delles actividaes pa reflexonar sobre esti problema qu’afeuta a millones de persones.
