Ricardo Saavedra Fernández-Combarro (Uviéu, 1977) ye l’autor de la propuesta última de TermAst, la octava dende que s’entamó esti proyeutu nel 2009. El doctor en Filoloxía Española presentó una terminoloxía de Teoría de la Lliteratura.
Sambre va continuar esti vienres n'Uviéu colos conciertos de presentación de ‘L’arume’, un EP con cuatro cantares. Hugo Fuente Piñera (Xixón, 1978) ye’l cantante d’esta banda de punk-rock con gaita en llingua asturiana.
Los usarios de móviles Android yá pueden disfrutar de baldre de l’aplicación ‘Diccionariu’, que permite consultar pallabres, conxugaciones y facer tornes. David Rodríguez Álvarez (Avilés, 1979) encargóse del so desendolque.
El Serviciu de Normalización Llingüística de la Mancomunidá de La Sidra ta acabante de poner en marcha delles iniciatives. L’escritor Pablo Suárez Fernández (Orviz, 1981), conocíu nel mundu lliterariu como Pablo X. Suárez, ye’l so responsable.
L’ALLA y la Universidá presentaron un númberu nuevu de la coleición ‘Fontes de la Llingua Asturiana’. El profesor universitariu y ex presidente de l’Academia, Xosé Lluis García Arias (Teberga, 1945), ye ún de los responsables del trabayu.
Daniel García de la Cuesta (Xixón, 1962) ta nestes feches dando a conocer ‘Les Gaites’, trabayu nel qu’indiga l’orixe y desendolque d’esti instrumentu y el d’otros venceyaos. El músicu tradicional faló con Asturies.com d’esta investigación.
El votu emigrante va decidir les eleiciones al tener la posibilidá de quitar un escañu a Foro pol occidente pa da-ylu a la FSA. Ello permitiría a UPyD ser llave de gobiernu y podría impidir un pautu posible de la derecha.
El 25 de marzu Asturies tien una cita nueva coles urnes. Xuan Xosé Sánchez Vicente (Xixón, 1949), presidente del PAS, escritor y comentarista políticu, faló con Asturies.com de l’actualidá del país.
Asturiana Mining Company convirtióse na sesta formación en ganar el Premio al Meyor Cantar gracies a la vaqueirada ‘Si nun conoces Vaḷḷouta’’. Michael Lee Wolfe (Pittsburgh, 1962) ye’l fundador d’esti grupu folk asturianu.
Asturies ta teniendo una representación de luxu nel Roue Waroch que ta celebrándose esta fin de selmana na población bretona de Pleskop. Fañch Loric (Pleskop, 1984) ye’l direutor de programación d’esti certame.
