Esti xueves, la Universidá d’Uviéu aprobó’l reglamentu que permite presentar tesis doctorales nel nuesu idioma. El Conceyu Universitariu pol Asturianu (CUPA), que preside Inaciu Galán y González (Xixón, 1986), negoció col Rector esti avance.

Los díes 22 y 23 de xunetu va celebrase la decimoquinta edición del Festival de Bandes de Gaites Villa de Candás. José Manuel Fernández Rancaño (Outonais, 1969) ye’l presidente de la Banda Gaites Candás dende’l mes d’avientu.

El sábadu ye'l día grande de la Fiesta de la Oficialidá de la Llingua Asturiana, que ta celebrándose estos díes en Bimenes. Daniel Cueli Canto (Piloña, 1978) ocupa'l cargu d'Axente de Desarrollu Llocal del Ayuntamientu y ye responsable de la programación cultural del conceyu yerbatu.

La selmana pasada, la CSI convocó una concentración nueva de protesta pola situación llaboral de los trabayadores de la RTPA. Óscar Vega Fuentes (Xixón, 1978) ye responsable de la seición sindical de la Corriente nel ente públicu.

¿Por qué foi la movilización última?

Duerna convirtióse la selmana pasada nel primer grupu asturianu en ganar el Concurso Escenario Prau. Pablo Carrera González (Llaviana, 1986) ye’l gaiteru d’esta banda folk de la cuenca’l Nalón que va asoleyar el so primer discu esti mes.

María Jesús Prieto (Xixón, 1963) y Xulia Alonso (Xixón, 1975) son profesores d’asturianu nel Evaristo Valle. Los escolinos y escolines de quintu y sestu de Primaria d’esti colexu, a los que dan clase, tán acabantes de ganar el ‘Ruempi la Mollera’.

La xente que forma parte del proyeutu de Bloque por Asturies-UNA ye optimista de cara a les eleiciones del domingu. Rafael Palacios (Ciañu, 1963), candidatu de la coalición a la Presidencia, espera meyorar la representación actual de la formación pa siguir trabayando en reformar les instituciones.

¿Qué tal ta yendo la campaña eleutoral?

El SNL de Piloña peslló esta selmana per segunda vez dende la so creación. Penélope Miranda Fernández (Uviéu, 1977) ye responsable del de Ḷḷena y presidenta de l’Asociación de Trabayadores de la Normalización Llingüística.