El ‘Veranu Lliterariu’, actividá que permite a la reciella tener contautu colos autores de les sos histories favorites, torna un xunetu más. La Biblioteca de Les Vegues acueye tolos llunes d’esti mes y d’agostu esta iniciativa de baldre entamada pola Casa de la Llingua de Corvera.

El Conseyu de Gobiernu dio’l preste al decretu pol que se determinen los topónimos oficiales d’Eilao, convirtiéndose nel sesentenu sestu conceyu en dar esti pasu. El procesu de recuperación toponímica encara asina’l so tramu final: los 12 pendientes tienen l’espediente abiertu.

Tien activu na rede dende abril un Nomenclátor de los Seres Vivos en Llingua Asturiana, que cuenta con 3.000 entraes.

La escritora nacida n'Urbiés va falar colos presentes de 'El paisaxe nuestru', ensayu premiáu col XXII Máximo Fuertes Acevedo.

Los Talleres de Llectura n'Asturianu de Villaviciosa, qu'entama'l Serviciu de Normalización Llingüística 'Comarca de la Sidra', celebren un alcuentru con Vanessa Gutiérrez. Va tener llugar esta tarde, a les 19 hores, nel aula del segundu pisu del Centru Cultural Capistrano.

L’Asociación Profesional d'Arqueólogos, Conservadores y Museólogos d'Asturies (APACMA) considera “insostenible dende delles persepeutives” el proyeutu de consolidación del castru Chao Samartín, y la so execución “un atentáu”. El Gobiernu diz tar dispuestu a revisalu, pero non a arrenunciar a la financiación estatal yá aprobada al traviés del 1 por cientu cultural del ministeriu.

Les yerbates y yerbatos tán de celebración. Esta selmana ye la Selmana pola Oficialidá de Bimenes, que remata’l sábadu cola XXIII Fiesta de la Oficialidá de la Llingua Asturiana cola que’l conceyu conmemora la declaración d’oficialidá del 1997.

La selmana pasada l'espaciu de TPA algamó una cuota de pantalla del 8,1 por cientu.

Mañana, a les 22.15 hores, va emitise'l capítulu caberu de la segunda temporada de 'Mundu sidreru', el programa dedicáu a la cultura sidrera presentáu por Inaciu Galán en llingua asturiana dafechu. Víctor Manuel va protagonizar la entrevista d'esti episodiu, fecha na Quinta Asturias del Centro Asturiano de Madrid, na que'l cantante va falar "de la so carrera musical, de cómo vive la so rellación cola música asturiana y por supuestu de la Sidra d’Asturies".

Cerca de trenta conciertos conformen el programa del VIII Sol Celta, festival de raigañu atlánticu que cuenta tamién con presentaciones de llibros, charres y animaciones na zona vieya d’Avilés. Manolo Peñayos, Alienda, La Tarrancha o Fontoria son dalgunes de les formaciones que van tocar ente esti llunes y el domingu.

Espublizáu nel BOPA'l decretu qu'afita los niveles de competencia y regula les mesmes.

Yá pue consultase'l testu definitivu sobre les pruebes pa poder certificar el conocimientu en llingua asturiana, adaptaes al Marcu Común Européu de Referencia pa les Llingües. Nel casu asturianu va ser posible presentase a cinco niveles: básicu A1, básicu A2, intermediu B1, intermediu B2 y avanzáu C1.

Los de Lluanco pudieron col Sestao River y la presión de Las Llanas. El Lealtad, mentes, nun pudo rematar la so meyor temporada col ascensu pol valor dobles de los goles fuera.

Cara y cruz pa los equipos asturianos na eliminatoria decisiva pa xubir a Segunda División B. El Marino despachó'l sábadu un gran partíu que s'allargó con prórroga, pero supo materializar un tantu a falta de 4 minutos, mentes que'l campeón asturianu, el Lealtad, sumó la tercer derrota de la temporada, les trés nesta fase pol cambiu de categoría, y tendrá que permanecer un añu más en Tercera.