La iniciativa ‘Amosando’, formatu de conciertu íntimu con públicu reducíu pa promocionar bandes asturianes per Internet, suma la so segunda entrega. Tres ‘L-R’ agora ye’l turnu de Xaime Martínez, col so trabayu ‘Ósculos d’agua nel Imperiu Asturianu’.

Xestu simbólicu del presidente d'Asturies.

Adrián Barbón, enantes de viaxar a Galicia a la entrega al ex presidente Javier Fernández de la medaya d'oru del país vecín, firmó los decretos d'estructura de les conseyeríes del Gobiernu y de nomamientu y cese de los conseyeros. Pa ello escoyó un llugar enforma especial: l'escritoriu que'l socialista Belarmino Tomás emplegó como presidente del Conseyu Soberanu d'Asturies y Lleón nel 1937.

La creación de la Conseyería de Cultura, Política Llingüística y Turismu y el nomamientu de Berta Piñán como la so responsable, asina como l’usu del idioma por Adrián Barbón na toma de posesión, ye motivu d’aplausu pa Iniciativa pol Asturianu. Propón al Gobiernu la puesta en marcha d’un Plan de Normalización.

Xixón torna a mirar hacia la mar y la cultura de los pueblos vecinos. Dende esti martes y hasta’l domingu celébrase’l VIII Festival Arcu Atlánticu, dedicáu a la visibilidá de les muyeres, que va inaugurar el coleutivu Muyeres con una representación especial del espectáculu ‘País malva’ cola que zarra la xira que comenzó'l 8-M del 2016.

El socialista Pedro Sánchez nun algamó la mayoría absoluta na primer votación del Plenu d’Investidura nel Congresu y va tener qu’acudir a la segunda, convocada pal xueves. Namái tuvo 124 votos a favor –los del so grupu y el PRC–, lloñe de los 176 necesarios, con 170 en contra y 52 astenciones, ente elles les de Xuníes Podemos.

Santa Cruz va acoyer estos enfrentamientos y la final de la competición, que yá sortió la fase de grupos y va comenzar el día 31.

El Centru Municipal Integráu Atenéu de La Calzada acoyó esta mañana la ceremonia na que se conoció la composición de la primer fase de la Copa Federación. Doce equipos, ente los que per primer vegada nun taben los filiales o clubes venceyaos, tuvieron nel bombu.

"Ye un Gobiernu qu'apuesta pola solvencia, totalmente renováu, paritariu y con una fonda renovación xeneracional", destaca Barbón.

Berta Piñán ye la persona escoyida por Adrián Barbón pa tar al frente de la nueva Conseyería de Cultura, Política Llingüística y Turismu. “El llevar ‘Política Llingüística’ nel nome yá ye una declaración d’intenciones”, asegura la escritora y docente, académica de númberu de l'Academia de la Llingua Asturiana.

Adrián Barbón tornó a emplegar l’asturianu nun discursu, nesta ocasión nel de la toma de posesión del cargu de presidente d’Asturies. “Tenemos que facer lo posible pa que la llingua asturiana tenga futuru”, insistió’l socialista na Xunta Xeneral.

Esti domingu daráse a conocer l’organigrama del Gobiernu d’Adrián Barbón. Anque previsiblemente Política Llingüística tendrá una viceconseyería o una direición xeneral dependiente de Cultura, Xosé Antón González Riaño entiende que “lo ideal sería una una secretaría xeneral que dependa de Presidencia”.