El candidatu de Ciudadanos a la presidencia d’Asturies, Juan Vázquez, arrenunció esti llunes, xornada na que se constituyó la Xunta Xeneral con griesca ente'l PSOE y Podemos, al so escañu. Foi nuna xornada na que dellos cargos de la formación naranxa presentaron la so dimisión, como Toni Roldán o Javier Nart.

Los maliayos ganaron 0-1 al Villarrobledo con un gol de Zucu nel 93. El Marino empató ensin goles en Miramar col Sestao River.

Nun partíu mui difícil nel que'l trabayu na portería de Javi Porrón foi clave, el Lealtad consiguió un botín importante nun Municipal de La Virgen enllenu pa la ocasión por casi 4.000 persones. La espulsión del llocal Dani Cabezuelo nel minutu 60 al frenar una acabalgada de Saha cuando yera l'home últimu nun empequeñeció al Villarrobledo, que tuvo ocasiones pa llevar el partíu.

Yá tán en marcha tolos preparativos pa la XXIII Fiesta de la Oficialidá de la Llingua Asturiana cola que Bimenes celebra tolos años la declaración d’oficialidá del 1997. Ésta va desendolcase nes feches tradicionales, el 6 de xunetu, y María Cotiello va ser la pregonera.

Col sofitu de 300 desplazaos dende Asturies y decenes de ciudadanos, los trabayadores d’Alcoa entraron en Madrid depués de 13 díes de marcha a pie pa defender los sos emplegos y la industria asturiana. El martes van aconceyar con Parter, l'inversor escoyíu.

Cientes de fogueres van prender n’Asturies na medianueche d'esti domingu pa celebrar San Xuan. La nueche más máxica del añu, na que'l fueu y l'agua son protagonistes, ye esperada por toles asturianes y asturianos, que yá engalanen les fontes.

Tán adaptaes al Marcu Común Européu de Referencia pa les Llingües en cinco niveles.

El Conseyu de Gobiernu d'esta mañana aprobó, tres el so pasu por información pública en dos ocasiones, al tener qu'iguar un error nel testu, el decretu qu'afita los niveles de competencia nel usu de la llingua asturiana y que regula les pruebes de certificación correspondientes. En concreto, habrá certificaos nos niveles básicu A1, básicu A2, intermediu B1, intermediu B2 y avanzáu C1.

La matriculación na materia en Llingua Asturiana y Lliteratura na cuenca’l Nalón algama’l 89,91 por cientu nos centros públicos de Primaria, cuando la media nel país ye del 50,05. Nel Caudal destaca la cifra d'Ayer, con un 94,95 por cientu nos sos siete centros.

Esti xuegu pretende dar a conocer la historia del conceyu y normalizar l'usu del idioma.

Hai dellos años llegó a Asturies la fiebre de les 'escape rooms', fenómenu nacíu nos Estaos Xuníos y Xapón con munchu ésitu nel país, sobre manera na xente mozo. Consiste en pasar una serie de pruebes n'equipu, al traviés de la resolución d'enigmes o misterios tres recibir pistes, pa salir del cuartu nel que se ta, con un tiempu llendáu pa ello.

La multinacional estauxunidense Alcoa anunció esti martes un prealcuerdu col fondu suizu Parter Capital que nun presta a los trabayadores d’Avilés, que prefieren la ufierta presentada pola alemana Quantum pa la factoría asturiana. La operación tien el preste del Ministeriu d’Industria, Comerciu y Turismu.

La organización que trabaya pola oficialidá del asturianu abre asina una serie de contautos con entidaes del país de cara a reivindicar esti derechu a lo llargo d'esta llexislatura.

La cita ta marcada pa esti sábadu en Tapia. Representantes de la Xunta pola Defensa de la Llingua Asturiana (XDLA) y de la Plataforma pola Oficialidá del Gallego-asturiano van xuntase "pa trazar y proponer acciones reivindicatives nel contestu nuevu que s'abre cola llexislatura y col Gobiernu que se va formar nunes selmanes".