208 persones tienen el nivel intermediu de capacitación oficial d'asturianu y van poder aspirar al avanzáu C1 n'ochobre d'esti añu.

El xueves rexistráronse 136 contaxos, con una tasa de positividá diaria del 6,29 por cientu. Ḷḷena sal del riesgu estremu y el domingu abre la movilidá y los interiores de los chigres.

“Una vegada más gana la sensatez y la coherencia”, apuntó la vocera del Gobiernu, Melania Álvarez García al respeuto de la sentencia del Tribunal Constitucional a favor del usu del asturianu na Xunta Xeneral tres el recursu d'inconstitucionalidá de VOX. “Ye una avance mui importante, pero entá queda por percorrer y el gran pasu será la reforma del Estatutu”, siguió la conseyera de Derechos Sociales.

Nel Estáu hai 88 instituciones universitaries, de les que 50 son públiques y 38 privaes.

El borrador del Real Decretu de Creación, Reconocimientu y Autorización d'Universidaes y Centros Universitarios, nel que ta trabayando'l Ministeriu d'Universidaes, afita una serie de requisitos que se centren na docencia, investigación y tresferencia de conocimientu, que s'han de cumplir pa ser considerada universidá. Namái 12 los cumplen anguaño, ente ellos la Universidá d'Uviéu.

El recursu d’inconstitucionalidá presentáu por VOX sobre la reforma del Reglamentu de la Xunta Xeneral pa permitir l’usu del asturianu na Xunta Xeneral nun salió alantre. El Tribunal Constitucional, que va facer pública la so sentencia la selmana qu’entra, ve llegal dafechu la normativa aprobada l'añu pasáu.

El Conceyu insiste na so decisión d’obligar a los clubes a llevar el logu d’Uviéu col topónimu castellanizáu pa optar a subvención tres camudar les bases de la convocatoria. El Rosal ye l’únicu al que-ylo comunicaron na xustificación última y la so presidenta, María Xosé Martínez, afirma que “vamos siguir llevando ‘Uviéu’ na camiseta porque nun ye nada illegal y tamos mui arguyoses de facelo”.

El Congresu, cola oposición única del PP, VOX, Unión del Pueblo Navarro (UPN) y Isidro Martínez Oblanca, diputáu de Foro, aprobó esti xueves la Llei orgánica de regulación de la eutanasia. España conviértese asina nel sestu estáu, depués de Países Baxos, Bélxica, Luxemburgu, Colombia y Canadá, en regular la muerte digna.

El llagar navetu ellabora y difunde vídeos con pallabreru venceyáu a esta bébora.

Siero torna al riesgu estremu, con zarru perimetral, depués de salir el 20 de febreru.

Dende esta selmana les llibreríes asturianes yá llucen nos sos escaparates una de les novedaes más esperaes de los últimos tiempos: la Biblia en llingua asturiana. “Tenela ente les manes foi una esperiencia de muncha satisfaición depués d’un trabayu de tantos años y l’esfuerciu de tanta xente de manera altruísta”, espresa José Luis Andavert, de la Sociedad Bíblica.