Últimos díes pa matriculase a los esámenes B2 y C1 d'asturianu

El vienres fina'l plazu pa tramitar la inscripción.

Les pruebes de certificación de Llingua Asturiana adaptaes al Marcu Común Européu de Referencia pa les Llingües pa esti cursu escolar, de nivel intermediu B2 y avanzáu C1, van celebrase el sábadu 9 d'ochobre –el bloque escritu–, coles pruebes orales a partir del 18. Esti añu la Comisión Permanente Educación-Cultura ufre 300 places pa cada esame y el plazu de matrícula fina mañana.

El trámite pue formalizase nos institutos Aramo d’Uviéu, Calderón de la Barca de Xixón, Carreño Miranda d’Avilés y Bernaldo de Quirós de Mieres, cola necesidá de solitar cita de forma previa en dalgunos d'ellos. El pagu de les tases ha facese más alantre, a partir del 5 de mayu, una vegada salgan les llistes d'inscritos, que se van espublizar el 27 d'esti mes.