Selmana de les Lletres Asturianes

“La sentencia del Constitucional ye un avance, pero entá queda por percorrer y el gran pasu será la reforma del Estatutu”, asegura Álvarez

|
Melania Álvarez García Constitucional

“Una vegada más gana la sensatez y la coherencia”, apuntó la vocera del Gobiernu, Melania Álvarez García al respeuto de la sentencia del Tribunal Constitucional a favor del usu del asturianu na Xunta Xeneral tres el recursu d'inconstitucionalidá de VOX. “Ye una avance mui importante, pero entá queda por percorrer y el gran pasu será la reforma del Estatutu”, siguió la conseyera de Derechos Sociales.

L’Executivu insiste na so intención d’entamar esti procesu de reforma “a lo llargo d’esti mesmu añu”, “imprescindible pa permitir la oficialidá”. Álvarez García fixo estes declaraciones na rueda de prensa posterior al Conseyu de Gobiernu a entrugues sobre la decisión del Constitucional.

“Ye mui bona noticia que’l Tribunal Constitucional garantice que nel Parllamentu se pueda utilizar l’asturianu. Anque suene estraño, lo que pretendía la estrema derecha yera impedir, con esi recursu que se presentara a la reforma del Reglamentu d’Usu de la Xunta Xeneral, que se diera esa situación”, rellató previamente.

Semeya obra d'Armando Álvarez recortada pa esta noticia.

Contador Estadistiques