Sobre 40.000 persones, según los datos de la Policía manifestáronse esti vineres peles cais de Bruseles, convocaes pola Confederación Europea de Sindicatos (CES) pa pidir a la UE qu'entame un plan de recuperación económica más ambiciosu centráu na defensa del emplegu.
 

L'Antiguu Institutu de Xixón va acoyer un taller d'instalación d'un sistema operativu n'asturianu'l próximu sábadu 16 de mayu n'horariu de 10.00 a 14.00 y 16.00 a 21.00 hores col enfotu "d'enseñar y/o instalar a tolos/es interesaos/es un sistema operativu que-yos permita manexar un ordenador n'asturianu dafechu".

El Gobiernu del Principáu d'Asturies va exixir que s'acredite residencia n'Asturies, polo menos dende'l 1 de xineru del 2009, p'acceder a les ayudes pa la compra d'automóviles anunciaes pol presidente del Gobiernu, José Luis Rodríguez Zapatero. L'oxetivu d'esti requisitu, que complementa a los fixaos pol Gobiernu central, ye garantizar que'l beneficiariu de la sovención seya asturianu.
 

L'abogáu xeneral del Estáu, Joaquín Fuentes Bardají, reconoció que nun "hai pruebes" contra la candidatura europea d'Unidá Nacionalista Asturiana. Dende esta formación afirmen que "asisten con indignación y impotencia a esta caza de bruxes, a esti auténticu esperpentu que pon nel más absoluto de los ridículos a los que lu esparden".
 

La tercer edición de la Muestra cultural "Tolo d'Asturies", organizada pola Agrupación Etnográfica "Reija", va celebráse ente esti xueves 14 de mayu y el domingu 17 nel conceyu de Llangréu. Esti eventu quier ser una amuesa d'actividaes qu'espeyen la cultura del país, especialmente no que cinca a la música asturiana. D'esti mou van entamase una serie d'actividaes ente les que rescamplen los conciertos.

Partidarios de la creación d'especialidá docente de Llingua Asturiana y Gallego-Asturianu na enseñanza concentráronse ayeri ante la Presidencia del Gobiernu asturianu pa exixir la creación de la mesma, convocaos polos sindicatos Suatea y Comisiones Obreres.
 

El Papa Benedicto XVI defendió en Belén, demientres la so visita oficial al territoriu ocupáu de Cixordania, el "derechu del pueblu palestín" a una "patria soberana" na tierra de los sos "atentapasaos".
 
"La Santa Sede apoya'l derechu del vuesu pueblu a tener una patria soberana na tierra de los vuesos antepasaos, segura y en paz colos sos vecinos y dientro d'unes fronteres reconocíes internacionalmente", declaró'l Pontífice, demientres el discursu pronunciáu nel Palaciu Presidencial palestín en Belén.
 

El Gobiernu asturianu convocó güei les sovenciones p'aiciones de normalización de la llingua asturiana, que sumarán un total de 800.500 euros, dividíes en siete llinies diferentes d'ayudes a esti tipu de trabayos.