Teníamos un gran intelectual equí al llau y nun lo sabíamos

Ayeri de vuelta a casa, conecteme pa echar un güeyu a les noticies n'Internet dempués de un par de díes desaparecíu en combate por tar organizando un congresu equí na Universidá. Cuála nun foi la mio sorpresa cuando veo que'l gran intelectual Paco Taibo II, organizador del gran eventu cultural conocíu como Semana Negra diz que nun fala con xente de pocu nivel intelectural como ye'l nuestru rector Vicente Gotor.  
 
Dende llueu nun escribo este llínies por defender a Vicente, que tien años bastantes pa facelo solu, si non porque, ye'l cabezaleru de la nuesa institución y por tanto esi insultu se fai estensivu a toos nosotros. Esplícome. Na frase de don Paco, nun se diz que seya un xestor nefastu o un mal rector, non, dizse que ye "burru". Si él, que ye un caderalgu ye un pollín, ¿entos los profesores titulares, asociaos, ayudantes, etc. qué somos? Nun sé, podría llegar a entendelo, aunque non compartilo, d'un xeniu d'esos a los que la humanidá-yos rinde homenaxe polos sos llogros, pero Paco. Igual ye que nun toi mui enterau, pero ¿cuál ye'l so méritu aparte de vivir coyonudamente de los nuestros impuestos?