TPA estrena güei a les 13:00 una nueva temporada de la serie presentada por Xosé Ambás 'Camín de cantares', qu'estrena una nueva cabecera y anueva'l so grafismu.

Xosé Ambás volverá percorrer el territoriu asturianu p'amosar la tradición oral y la so diversidá llingüística. La canal asturiana emite'l programa tolos sábados, de 13:00 a 13:30, y lo redifunde los xueves de 9:00 a 9:30 y de 15:00 a 15:30.

El Gobiernu español dixo que comparte l'oxetivu de garantizar l'intercambiu y recepción de radios y televisiones dixitales ente les autonomíes que conformen una comunidá llingüística.

Asina lo espón l'Executivu central en respuesta a la entruga parlamentaria formulada pol senador por Baleares del Grupu Mistu Arturo Bagur, que solicitó la valoración del executivu de la iniciativa popular 'Televisió sense Fronteres', centrada n'asegurar la recepción directa d'emisiones audiovisuales ente les comunidaes que compartan una mesma llingua.

L’asturianu asítiase ente les 30 llingües que yá tienen completa la traducción, del total de 200 coles que trabaya Ubuntu. Softastur tamién anunció un nuevu correutor de testos.

La Coordinadora Ecoloxista llamenta qu'un añu más los datos revelen que la calidá del aire sigue ensin cumplir los valores máximos establecíos pola lexislación europea.

Amnistía Internacional d'Asturies va salir güei a la cai pa sensibilizar a la población asturiana contra la discriminación. L’actu consiste nuna ‘flashmob’ a les 19.00 hores n’Uviéu.

Bloque por Asturies denuncia l’abandonu nel que s’alcuentra la Sienda l’Osu a lo llargo de tol percorríu y pidió’l pieslle de dalgunes zones y el so arreglu.

La formación asturiana Skanda, con más de 14 años de trayectoria, optó pola autoproducción pa sacar al mercáu'l so quintu trabayu discográficu “Folk & Roll Circus”.

El Conceyu de Nava convoca'l II Concursu de Relatos Curtios ‘Festival de la Sira”, p'autores nuevos. La temática ye “La sidra” y los relatos van tar escritos en llingua española o asturiana.

L’arzobispu d’Uviéu, Jesús Sanz Montes, agradeció la felicitación del Bloque por Asturies pol so usu de l’asturianu y dixo que va tener en cuenta los pidimientos sobre la llingua.

En 2008 salieron d’Asturies 12.342 persones, y vinieron 21.438, lo que representa un saldu migratoriu positivu de 9.096 persones, según datos del Institutu Asturianu d’Estadística.