El Gobiernu apoya la recepción recíproca d'autonómiques

El Gobiernu español dixo que comparte l'oxetivu de garantizar l'intercambiu y recepción de radios y televisiones dixitales ente les autonomíes que conformen una comunidá llingüística.

Asina lo espón l'Executivu central en respuesta a la entruga parlamentaria formulada pol senador por Baleares del Grupu Mistu Arturo Bagur, que solicitó la valoración del executivu de la iniciativa popular 'Televisió sense Fronteres', centrada n'asegurar la recepción directa d'emisiones audiovisuales ente les comunidaes que compartan una mesma llingua.

L'Executivu destaca que precisamente por esi oxetivu incorporóse la disposición adicional séptima de la Llei 46/1983 de la tercer canal de televisión, que dende 1999 prevé la posibilidá de firmar convenios de collaboración ente les comunidaes pa la emisión d'ún o más programes de la so televisión autonómica del so ámbitu xeográficu n'otres, siempre que los espacios radioeléctricos seyan llenderos y usen frecuencies asignaes pol Gobiernu.
  
Denden entós, el Gobiernu españolsorraya que les comunidaes ficieron usu d'esa posibilidá soscribiendo convenios de collaboración pa la recepción recíproca d'emisiones tanto analóxiques como dixitales.
  
Per otru llau, cola transición a la televisión dixital terrestre, lléndase a les comunidaes dos múltiples dixitales de cobertura autonómica, que van poder siguir utilizándose pa la recepción recíproca d'emisiones d'otres autonomíes cola mesma llingua. Sicasí, apúntase a que'l denomináu 'dividendu dixital' puede aumentar estos servicios.