El grupu asturianu Skanda autoproduz “Folk & Roll Circus”

|

La formación asturiana Skanda, con más de 14 años de trayectoria, optó pola autoproducción pa sacar al mercáu'l so quintu trabayu discográficu “Folk & Roll Circus”.

La grabación del discu realizóse nos 'Estudios Miller' de Mieres por Marco Castañón. Van Avanzar los cantares d'esti álbum el próximu 10 d'abril coincidiendo coles folixes de La Flor de Ḷḷena, enantes de lo que va ser la presentación oficial del álbum.
 
“Folk & Roll Circus” ta compuestu por 14 cantares. Cuatro d'elles son versiones y el restu composiciones propies. Trátase d'un álbum onde podemos atopar dende la balada d'amor, “Nelolaya”, na que collabora Anabel Santiago, hasta la quema de barricaes del cantar “L’últimu prexubiláu”. Amás, y per primer vegada, inclúyense videos, 'Soi asturianu' y 'Ser humanu', dambos dirixíos por Rubén Pantiga y un “como se fixo” realizáu pol mesmu Marco Castañón.
 
La grabación d'esti nuevu trabayu empezó en xineru y a finales de febreru la formación yá tenía'l discu preparáu y llistu pa llanzar la mercáu. L'anterior álbum, 'El cuartu', foi presentáu coincidiendo cola celebración de La Folixa na Primavera de Mieres en 2007. Agora, tres años depués, la formación presenta “Folk & Roll Circus”, con un estilu cada vez más personal.
 
Skanda ganó'l premiu al meyor cantar n'asturianu promovíu por Asturies.com nel añu 2005 col cantar “Sangre d’ochobre”. Con ella, amás, tuvieron nomaos al meyor cantar n'asturianu nos premios de l'Academia de la Música. En 2008 fueron finalistes a la 'Meyor cantar n'asturianu' promovida pol Principáu, col cantar “Na mio Barca” y col tema “Ser Humanu” nos premios de l'Academia de la Música.
 
Na so trayectoria destaquen tamién les actuaciones en “Los conciertos de Radiu 3” en TVE y nos programes de la TPA “Pieces” y “Camín de cantares”, asina como en festivales d'España, Portugal y Francia.

Contador Estadistiques