UNA va presentar una solicitú al Conceyu pa que se debata en Plenu'l “casu Juliana” y s'esplique a los ciudadanos “por qué s'invierte'l dineru público en pesllar el sector naval”.

La vocera d'UNA-Xixón, Yolanda González, dixo que gasten más de 150 millones d'euros en pesllar el sector naval públicu de la ciudá y que si Principáu y Pymar tienen argumentos pa facer lo que fixeron que “el Conceyu les esplique, porque queremos suponer que nun lo dexaron si nun ye con razones de pesu y yá ye hora que les conozamos”.

Esti fin de selmana, Ḷḷena celebra’l VII Mercáu Tradicional de la Flor, entamáu pola Xunta Cultural Rebelgu nel barriu de La Caleya. Mientres dos díes va haber música y artesanía.

La Fiscalía de l'Audiencia Nacional solicitó 12 años pa los ex responsables de Batasuna Arnaldo Otegi, Rufino Echevarria y Joseba Permach por pertenencia a organización terrorista.

Dellos alcaldes del territoriu de Székely declararon simbólicamente la igualdá del húngaru y rumanu, y piden a Bucarest qu'apruebe l'autonomía pa les provincies húngares.

Vezos Astures, fai la presentación del documental 'Os Reises del Valledor, Úa mazcarada d’inverno nel occidente Asturiano' el próximu día 9,a les 20 hores  nel Auditoriu d’Uviéu.

Delles asociaciones criticaron la "pasividá, dexadez ya inoperancia del Principáu frente a l'amenaza y degradación del mediu natural que suponen los 2.095 incendios rexistraos.

Rachel Hair trai'l so folk escocés a Uviéu y Xixón dientro del programa Música del Sieglu XX. La intérprete forma parte de la nueva xeneración d'intérpretes de música tradicional n'Escocia.

El primer ministru israelín afirmó que tovía nun arregló les sos diferencies colos EEUU respeuto al plan pa construyir 1.600 viviendes n'asentamientos xudíos de Xerusalén Este.

Netanyahu dixo qu'ambes partes tovía tán intentando topar una solución, pero defendió'l plan de construcción tan criticáu pola comunidá internacional porque, aseguró, ye una política qu'Israel vien aplicando dende va muncho tiempu.

El ‘Primer sidre l’añu’ foi un ésitu según la organización, con más de 5.000 persones nel Muséu del Pueblu d’Asturies pa prebar la sidra nuevo de los 60 llagares que participaron.

Cultura alvirtió que va permanecer "vixilante" pa que les obres de construcción d'una vivienda nes proximidaes de Santa María del Naranco seya "respetuosa col Prerrománicu".